Untung Undak 111%! Solusi Bangun Indonesia Gaskeun Pertumbuhan di Tengah Industri Semen Nu Kakara Pulih
Untung Undak 111%! Solusi Bangun Indonesia Gaskeun Pertumbuhan di Tengah Industri Semen Nu Kakara Pulih
JAKARTA, Warta Sunda Online,-
PT Solusi Bangun Indonesia Tbk hasilkeun kinerja moncer dina kuartal I 2026. Laba bersihna ngahontal Rp101,89 miliar, ngaronjat nepi ka 111,3 persen dibandingkeun periode sarua taun 2025 nu ngan Rp48,22 miliar.
Sanajan industri semen nasional kakara mimiti pulih jeung tingkat utilisasi masih di kisaran 53,9 persen tina total kapasitas 124 juta ton, pausahaan mampuh ngajaga tren pertumbuhan.
Kinerja ieu didorong ku ningkatna penjualan, disiplin dina ngatur biaya, jeung konsistensi dina nerapkeun operational excellence dina prosés produksi.
Diréktur Utama PT Solusi Bangun Indonesia Tbk, Rizki Kresno Edhie Hambali, nyebutkeun yén hasil ieu jadi bukti strategi transformasi pausahaan jalan sacara efektif.
“Kinerja kuartal I 2026 jadi awal nu alus pikeun ngajaga momentum bisnis. Urang bakal terus fokus kana pertumbuhan nu séhat, efisiensi operasional, jeung inovasi pikeun méré nilai tambah ka sakabéh stakeholder,” pokna.
Sapanjang kuartal I 2026, volume penjualan semen jeung terak ngahontal 2,92 juta ton, naék 1,4 persen (YoY). Panghasilan pausahaan ogé ningkat jadi Rp2,56 triliun atawa tumuwuh 3,6 persen, sedengkeun EBITDA ngahontal Rp358 miliar atawa naék 14,3 persen.
Dina sisi operasional, pausahaan terus nguatkeun efisiensi énergi jeung ningkatkeun pamakéan bahan bakar alternatif minangka bagian tina komitmen kana kelestarian lingkungan. Hasilna, sababaraha pabrik meunang sertifikat Green Label predikat Platinum jeung Gold.
Ekspansi & Proyeksi Bisnis
Industri semen nasional diprediksi bakal tumuwuh 1–2 persen dina 2026. PT Solusi Bangun Indonesia Tbk siap neruskeun tren positif ieu.
Salian ngaronjatkeun strategi pemasaran jeung efisiensi operasional, pausahaan ogé nyiapkeun léngkah ekspansi ka pasar global. Fasilitas dermaga di Tuban, Jawa Timur, bakal dipaké pikeun ngamimitian ékspor ka Amérika Serikat.
Léngkah ieu dipiharep bisa muka pasar anyar, ningkatkeun utilisasi pabrik, jeung nyiptakeun sumber panghasilan anyar nu leuwih stabil.
“Ieu léngkah progresif pikeun nguatkeun daya saing global jeung ngajaga pertumbuhan berkelanjutan,” tambah Rizki.
Kontribusi Proyék Strategis
Dina taun 2026, pausahaan ogé milu dina sababaraha proyék strategis nasional, diantarana perbaikan Tol Pejagan–Pemalang maké téknologi beton fast track nu bisa réngsé ngan dina 3 poé.
Salian ti éta, pausahaan ogé aub dina pangwangunan pabrik perakitan kendaraan listrik panggedéna di Asia Tenggara di Subang, Jawa Barat.
Profil Singket
PT Solusi Bangun Indonesia Tbk mangrupakeun pausahaan terbuka nu 83,52 persen sahamna dipiboga ku PT Semen Indonesia (Persero) Tbk (SIG).
Usahana ngawengku produksi semen, beton siap pakai (Dynamix jeung Semen Andalas), agregat, nepi ka jasa pengelolaan limbah ramah lingkungan.
Ayeuna, pausahaan ngoperasikeun 4 pabrik di Narogong, Cilacap, Tuban, jeung Lhoknga, kalayan kapasitas total 14,86 juta ton per taun jeung kira-kira 1.750 pagawé.***
0 Response to "Untung Undak 111%! Solusi Bangun Indonesia Gaskeun Pertumbuhan di Tengah Industri Semen Nu Kakara Pulih"
Posting Komentar