Paturay Tineung Siswa Kelas XII SMKN 1 Sukatani Taun Ajaran 2025/2026 Lumangsung Haru jeung Pinuh Kabagjaan

Paturay Tineung Siswa Kelas XII SMKN 1 Sukatani Taun Ajaran 2025/2026 Lumangsung Haru jeung Pinuh Kabagjaan

PURWAKARTA – Warta Sunda Online,-

Tanggal 20 Mei lian ti Hari Kebangkitan Nasional, keur warga sakola SMKN 1 Sukatani Purwakarta minangka titimangsa poé panungtungan keur siswa kelas 12. Paturay tineung Tilu taun pihak sakola Ngatik jeung ngadidik aranjeun (para siswa), nu datang nyiar élmu, nu mulang mawa élmu. Rebo, 20/5/2026 di buruan SMKN 1 Sukatani Purwakarta.

Asep Setiawan, S.Pd, M.M., Kepala SMKN 1 Sukatani Purwakarta.*

Kagiatan paturay tineung siswa kelas XII SMKN 1 Sukatani Taun Ajaran 2025/2026 lumangsung kalayan lancar, tartib, sarta pinuh ku suasana haru jeung kabagjaan. Acara ieu jadi momen penting pikeun ngaleupaskeun para siswa sanggeus ngaréngsékeun pendidikan di bangku SMK.

Kapala Sakola Asep Setiawan ngedalkeun rasa syukur sarta pangajén ka sakumna pihak anu geus ngarojong kasuksésan acara. Anjeunna miharep para lulusan tiasa janten generasi anu mandiri, miboga akhlak anu hadé, sarta sanggup bersaing dina dunya pagawéan boh dina jenjang pendidikan salajengna.

Samentara éta, perwakilan sakola Waka Hubinmas Dadang Djuhara, S.Pd ngajelaskeun yén kagiatan paturay tineung dilaksanakeun dina suasana kakulawargaan, pinuh ku rasa silih hargaan antara guru, siswa, jeung kolot murid.

Dina palaksanaanana, acara ieu ogé meunang rojongan ti Waka Kesiswaan Dadan Erawan, S.Pd, Waka Kurikulum Demang M Enuh, M.Pd, sarta Waka Sapras Dodi Kusnandar, S.Sos.

Kasuksésan acara teu leupas tina peran panitia jeung OSIS anu dipingpin ku Iksan Sopian anu geus digawé teuas ti mimiti persiapan nepi ka acara réngsé kalayan hadé jeung lancar.

Paturay tineung ieu janten kenangan anu moal hilap pikeun para siswa, guru, jeung sakumna kulawarga gedé SMKN 1 Sukatani. Suasana haru katempo nalika para siswa silih hampura, silih rangkul, sarta ngébréhkeun rasa hatur nuhun ka para guru anu salila ieu ngadidik kalayan pinuh ku kasabaran jeung kanyaah.

Numutkeun data anu dikumpulkeun ku redaksi, jumlah siswa kelas XII anu milu dina paturay tineung ieu ngahontal 390 siswa tina sababaraha jurusan, nyaéta Teknik Permesinan (TP), Teknik Kendaraan Ringan (TKR), Teknik Sepeda Motor (TSM), Teknik Instalasi Tenaga Listrik (TITL), Rekayasa Perangkat Lunak (RPL), jeung Akuntansi (AK).***

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: