SIWO jeung Koperasi PWI Purwakarta, Asup kana Gelaran Rapat Taunan PWI 2026 : "PWI Bersatu, Pers Kuat"
SIWO jeung Koperasi PWI Purwakarta, Asup kana Gelaran Rapat Taunan PWI 2026 : "PWI Bersatu, Pers Kuat"
PURWAKARTA – Warta Sunda Online,-Persatuan Wartawan Indonesia Kabupaten Purwakarta ngayakeun rapat tahunan taun 2026 minangka bagian tina evaluasi organisasi salila sataun ka tukang. Dina rapat éta, sababaraha agenda penting dibahas, di antarana rencana pembentukan Koperasi PWI jeung pembentukan Seksi Wartawan Olahraga (SIWO). Lumangsung di Pemancingan Mang Jiman Desa Benteng Kecamatan Campaka, Purwakarta, Saptu 16/5/2026.
Ketua Persatuan Wartawan Indonesia Purwakarta, Adi Kurniawan Tarigan, nyebutkeun yén rapat ieu jadi léngkah awal pikeun ngaevaluasi kagiatan jeung tata kelola organisasi sangkan leuwih hadé ka hareupna.
“Rapat tahunan ieu mangrupa bagian tina evaluasi organisasi, supaya program-program PWI Purwakarta bisa leuwih optimal sarta méré mangpaat pikeun anggota,” ceuk Adi.
Dina rapat éta ogé dibahas pembentukan SIWO anu dianggap penting pikeun ngadukung kagiatan jurnalistik di widang olahraga. Ieu ogé saluyu jeung arahan ti Persatuan Wartawan Indonesia Pusat, sabab nepi ka ayeuna PWI Purwakarta can miboga struktur SIWO sacara resmi.
Salian ti éta, pembentukan koperasi dianggap jadi salah sahiji upaya pikeun ngaronjatkeun kemandirian organisasi jeung kasejahteraan anggota.
Sekretaris Persatuan Wartawan Indonesia Purwakarta, Ade Winanto, ngaharepkeun rapat tahunan ieu bisa jadi momentum pikeun ngahijikeun sakabéh anggota.
“Ku ayana rapat tahunan ieu, mugia jadi sumanget anyar pikeun ngawujudkeun PWI Bersatu, Pers Kuat,” pokna.
Sanajan kitu, anjeunna ogé ngaku yén dina prak-prakanana masih loba kakurangan dina jalanna organisasi. Hal éta bakal dijadikeun bahan evaluasi pikeun leuwih ngoptimalkeun kapengurusan dina mangsa nu bakal datang.
Samentara éta, Jaya Romulo Parsaulin S ngajelaskeun yén unggal anggota kudu miboga itikad hadé dina ngawangun organisasi, kalebet dina hal transparansi jeung nyingkahan tumpang tindih kawijakan di internal.
Anjeunna ogé nyarankeun sangkan unggal minggu diayakeun diskusi ngeunaan rupa-rupa isu nu keur jadi perhatian publik, kaasup masalah pendidikan anu masih merlukeun pengkajian saluyu jeung kawijakan pamaréntah.
Sedengkeun Sakip Mahmud nitenan pentingna ngajaga eksistensi PWI Purwakarta ku cara ngalakukeun review ulang hubungan jeung pamaréntahan sarta nguatkeun fungsi kontrol sosial pers di tengah masyarakat.
Disagedengeun eta, rek ayana Koperasi PWI Purwakarta nu dinahkodaan Jaenul Abidin. Ku kituna warga PWI Purwakarta ngiring reueus mugia kapayuna leuwih ngaraharjaan anggota PWI Purwakarta.***
0 Response to "SIWO jeung Koperasi PWI Purwakarta, Asup kana Gelaran Rapat Taunan PWI 2026 : "PWI Bersatu, Pers Kuat""
Posting Komentar