Akhmad Sudar - Nyiptakeun Alat Kompor Rumah Tangga tina Bahan Oli Urut
Katerangan Poto :
Alat Kompor tina Bahan Oli Urut.*
|
H
|
IJI deui
inovasi juru atik di Kecamatan Tegalwaru Kabupatén Purwakarta ngamangpaatkeun
limbah rumahan, malahan ayeuna mah limbah kendaraan motor ogé digarap jadi pibahaneun
bakar rumah tangga. Saha atuh juru atik éta téh!!!
Redaksi Warta Sunda Onliné narima video ti
salahsaurang guru nu mangpirang-pirang kreasi inovasina. Saperti halna témbong
videona hasil inovasi pemanpaatan teknologi sederhana.
Dina hal ieu mah, Akhmad Sudar hiji guru di SDN
1 Karoya Kecamatan Tegalwaru sok pirajineun ngainovasi sagala limbah nu aya
diwewengkon sabudeureunna. Saperti ayeuna ngamangpaatkeun limbah bengkel
mangrupa oli urut nu geus jarang diarah.
Ku pangalamanna dina ngolaborasi bahan-bahan
limbah dimangpaatkeun keur kabutuhan ibu rumah tangga. Tina hasil videona ka
titen, yén oli-oli urut téh disulap jadi bahan bakar keur kompor.
“Teu pira ukur ngamodalan kompan, corong, kran
katut pipah beusi leutik jeung nu sedeng, plat beusi, kompresor.
Tina cara kerjana mah, bahan-bahan éta dirakit
sedemikian rupa jadi mangrupa alat saperti témbong dina gambar jeung vieo.
Hasil bahan éta diaranan Kompor ngagunakeun oli
urut. Alat éta, kiwari ngan ukur conto can
diperbanyak. Lantaran masih dina uji coba jeung ngemas tur inovasi bahan-bahan.
Kitu ceuk guru nu kungsi jadi pinunjul Teknologi Sederhana Tingkat Provinsi
sawatara waktu katukang.
Nyiptakeun alat ieu téh, inyana sok ningalian di
bengkel motor jeung mobil. Basa ningali oli urut nu geus hideung. Kapikir,
bahan éta keur jadi inovasi.***
0 Response to "Akhmad Sudar - Nyiptakeun Alat Kompor Rumah Tangga tina Bahan Oli Urut"
Posting Komentar