MPLS Ramah 2026, Murid Anyar Dipapag Ku Lingkungan Sakola Nu Aman jeung Lancar
MPLS Ramah 2026, Murid Anyar Dipapag Ku Lingkungan Sakola Nu Aman jeung Lancar
Warta Sunda | Warta Atikan
Pamaréntah ngaliwatan Kementerian Pendidikan Dasar dan Menengah (Kemendikdasmen) resmi nerapkeun program Masa Pengenalan Lingkungan Satuan Pendidikan (MPLS) Ramah 2026 dumasar kana Permendikdasmen Nomor 12 Taun 2026. Aturan anyar ieu mawa sababaraha parobahan penting dina palaksanaan orientasi murid anyar di sakuliah Indonesia.
Salah sahiji parobahan utama nyaéta diperpanjangna waktos MPLS tina tilu poé jadi lima poé. Kabijakan ieu dipiharep bisa méré kasempetan leuwih lega ka murid anyar pikeun mikawanoh lingkungan sakola, guru, babaturan, sarta budaya diajar sacara leuwih tenang jeung bermakna.
Dina hal ieu mah Kementerian Pendidikan Dasar dan Menengah adalah Menteri Pendidikan Dasar dan Menengah, Prof. Dr. Abdul Mu'ti, M.Ed., dan Direktur Jenderal Pendidikan Menengah dan Pendidikan Khusus, Tatang Muttaqin ka media Ahad, 12/7/2026 di Gedung Kementrian Pendidikan inyana negeskeun yen, Saméméh kagiatan dimimitian, unggal sakola diwajibkeun ngayakeun sosialisasi ka kolot atawa wali murid. Ieu léngkah penting pikeun ngajelaskeun tujuan, jadwal, jeung rupa-rupa kagiatan MPLS sangkan aya kasaluyuan antara pihak sakola jeung kulawarga.
MPLS Ramah 2026 ngusung téma "Ramah Anak, Ramah Lingkungan, jeung Ramah Biaya." Kagiatanana difokuskeun kana ngenalkeun budaya sakola anu aman, nyaman, jeung inklusif. Salian ti éta, murid anyar ogé bakal ngaliwatan asesmen bakat jeung minat, kitu deui asesmen kabugaran pikeun ngarojong kamekaran diri peserta didik sacara utuh.
Dina aturan anyar ieu, sakola dilarang keras ngalaksanakeun perpeloncoan, kekerasan, pungutan liar, atawa maké atribut anu teu miboga ajén atikan. Sakabéh kagiatan MPLS kudu ngajunjung martabat murid sarta ngajamin panangtayungan hak-hak anak.
Murid tina unsur OSIS atawa MPK masih diidinan ngabantu panitia MPLS, tapi kudu aya dina pangawasan guru sarta nuturkeun aturan anu geus ditangtukeun ku sakola.
Kemendikdasmen ogé negeskeun yén sagala rupa bentuk perundungan salila MPLS mangrupa palanggaran kana hak asasi anak sarta bakal ditindak sacara tegas luyu jeung katangtuan hukum anu berlaku.
Ku diterapkeunana MPLS Ramah 2026, dipiharep sakola-sakola bisa nyiptakeun suasana atikan anu leuwih aman, merenah, jeung ngawangun karakter murid ti mimiti maranéhna ngaléngkah ka dunya sakola. MPLS henteu deui jadi ajang senioritas, tapi jadi sarana ngabagéakeun murid anyar kalayan pinuh ku rasa hormat, kabagjaan, jeung nilai-nilai kamanusaan.
"Diajar kalayan bungah, ngamimitian ku rasa hormat, sarta tumuwuh dina lingkungan sakola anu aman jeung ramah."
0 Response to "MPLS Ramah 2026, Murid Anyar Dipapag Ku Lingkungan Sakola Nu Aman jeung Lancar"
Posting Komentar