Rd. Wirawangsa, Cikal Bakal Para Bupati Sukapura

Rd. Wirawangsa, Cikal Bakal Para Bupati Sukapura

Disusun ku: Acep Aan, S.Ag.

TASIKMALAYA – Warta Sunda Online

Rd. Wirawangsa, anu kakoncara dina sajarah minangka Bupati Sukapura KA-1, mangrupa tokoh puseur dina wangunan pamaréntahan jeung katurunan ménak di Tatar Priangan Wétan. Anjeunna ogé dipikawanoh ku gelar Tumenggung Wiradadaha, salah sahiji figur penting dina galur pamingpin Sukapura baheula.

Numutkeun dokumén kulawarga anu dihimpun ku Ki Acep Aan, Rd. Wirawangsa ngagaduhan 28 putra-putri, anu katurunanana sumebar ka sababaraha wewengkon di Tasikmalaya, Garut, Ciamis, nepi ka Cijulang. Tina galur ieu, lahir para ménak, bupati, camat, guru, nepi ka tokoh agama.

Galur Putra-putri Rd. Wirawangsa

Di antara putra-putrina, sababaraha anu kacatet miboga peran strategis dina sajarah lokal, di antarana:

1.  Rd. Wangsadipura, putra tina Nyi Ageung Cipinaha, katurunan Kumandang Sepuh Guru Cicalengka.

2.  Rd. Kartisa, katurunan Santana Tenjolaya.

3.  Rd. Jayamanggala, putra Ny. Gede Misana, turunan Dalem Tamela, anu salah sahiji galurna nepi ka Cijulang.

4.  Rd. Anggadipa / Dalem Sawidak, tokoh krusial sabab nurunkeun para Bupati Sukapura.

5. Rd. Penghulu Wangsadikusumah, nu galurna ogé nyambung ka Cijulang.

6.  Ny. Rd. Aju, katurunanana aya di Sukakerta.

7.  Rd. Prana Jaya, katurunan Rd. Mantri jeung Ny. Katijem.

8.  Rd. Ardimanggala, galurna Kartanagara Sagiri.

9.  Rd. Candradipura, Mentri Cacar Kandangwesi, katurunan di Parung.

10.Rd. Dukuh, galur Karang, Sastra, Gunung Tri, jeung Nuris.

Salian ti éta, aya deui galur penting sapertos Rd. Dipayasa, Rd. Wirandana, Ny. Rd. Gentur, Ny. Rd. Katinpal, Rd. Anggawangsa, nepi ka Rd. Durpamanggala, anu katurunanana nyambung ka Rd. Narawita, Rd. Darpamanggala, Rd. Karadipa, sarta Rd. Atmadipura, anu kungsi ngajabat Camat Cibatu, Wanaraja, Garut.

Daptar ieu ditutup ku sababaraha putri Rd. Wirawangsa, di antarana Ny. Rd. Ajeng Karaton, Ny. Rd. Djampang, Ny. Rd. Purba, Ny. Rd. Sampan, jeung Ny. Rd. Widuri, anu nguatkeun sebaran trah Sukapura ka rupa-rupa wilayah.

Warisan Sajarah jeung Identitas Sunda

Silsilah Rd. Wirawangsa henteu saukur catetan kulawarga, tapi jadi pondasi sajarah pamaréntahan Sukapura. Tina galur ieu, lahir struktur ménak Sunda anu lila mangaruhan kahirupan sosial, budaya, jeung birokrasi di Priangan.

Dokuméntasi ieu jadi bukti yén sajarah lokal Sunda miboga akar anu jero tur sistematis, anu penting pikeun terus dirawat salaku jati diri jeung memori kolektif urang Sunda.

Sumber Dokumén: Ki Acep Aan – Keluarga Besar R. Ali Santana, Cisayong, Tutugan Galunggung, Kab. Tasikmalaya

 

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: