CAMAT PURWAKARTA NYANGKING KAGIATAN ISRA MI’RAJ NABI MUHAMMAD SAW
CAMAT PURWAKARTA NYANGKING KAGIATAN ISRA MI’RAJ NABI MUHAMMAD SAW
Purwakarta – Warta Sunda Online,
Camat Purwakarta, Heri Anwar, S.H., Kp., M.M., nyangking kagiatan Isra Mi’raj Nabi Agung Muhammad SAW nu dilaksanakeun dina wengi Saptu, 31 Januari 2026, kira-kira tabuh 20.00 WIB.
Kagiatan kaagamaan éta lumangsung kalayan khidmat di Masjid Al-Hikmah, RW 12 Perum Panorama, Kalurahan Nagri Kaler, Kacamatan Purwakarta. Acara ieu diiluan ku unsur pamaréntah satempat, tokoh agama, tokoh masarakat, sarta jamaah jeung warga sakurilingna.
Dina éta kasempetan, Camat Purwakarta ngedalkeun pangajén kana kalumangsungan kagiatan Isra Mi’raj minangka mangsa pikeun ningkatkeun iman jeung taqwa, ogé pikeun ngaraketkeun ukhuwah Islamiyah di lingkungan masarakat.
Péperingatan Isra Mi’raj ieu jadi salah sahiji wujud nguatkeun ajén-inajén kaagamaan jeung budaya spiritual masarakat Purwakarta, saluyu jeung visi “Kacamatan Purwakarta Berbudaya.”
Acara dipungkas ku doa babarengan, ngarepkeun sangkan masarakat salawasna dipaparinkeun kasalametan, karaharjaan, jeung kamajuan dina kahirupan bermasarakatan.***
0 Response to "CAMAT PURWAKARTA NYANGKING KAGIATAN ISRA MI’RAJ NABI MUHAMMAD SAW"
Posting Komentar