WARTA ATIKAN TI CIBATU : Mapag O2SN Tingat Kabupatén Ceuk Dasuki, S.Pd : Cibatu Tandang Makalangan

Mapag O2SN Tingat Kabupatén

Ceuk Dasuki, S.Pd : Cibatu Tandang Makalangan

“Ngukur kmampuhan murid loba cara. Diantarana sina miluan lomba, pasanggiri atawa pertandingan. Tah kagiatan kawas kitu téh, ilahar naker di sakola mah, saperti nu lumangsung di SD nu aya di Kacamatan Wanayasa Purwakarta.”

CIBATU – Warta Sunda Onliné,

BARUDAK SD Cibatu Purwakarta, giat naker. Aratoheun miluan rupa-rupa kagiatan téh. Saperti harita, murid-murid SD téh hégar marahmay dibarung ku euyah-euyahan susurakan nyumangetan babaturanana nu keur makalangan.

Kagiatan kawas kitu, kaasup maneuh. Harita téh, barudak di éta kacamatan mariluan Olimpiade Olahraga Siswa Nasional (O2SN), Olimpiadé Sains Nasional (OSN), Olahraga Tradisional (OLTRAD), Festival dan Lomba Seni Siswa Nasional (FLS2N) sarta FL2N satatar Kacamatan Cibatu.

Di Purwakarta, mémang barudak téh biasa mariluan sanisakara kagiatan. Kituna téh, da éta kagiatan maneuh saban taun. Ari kagiatan naratas dihandap heula. Barudak téh diabenkeun di tingkat kacamatan nu saterusna sina mariluan di tingkat nu leuwih luhur, kabupatén, provinsi jeung nasional.

Kagiatan kawas kitu loba mangpaatna. Barudak bisa ngukur kamampuh sorangan ku cara ngabandingeun jeung kamampuh babaturanana ti sakola séjén. Ari keur guru mah éta agiatan téh bisa jadi cara meunteun barudak, pangpangna mah dina sagala widang.

Saniskara kagiatan di Cibatu, lumangsung poé Rebo tanggal 27 Fébruari 2019. Tempatna di SD Negeri Kacamatan Cibatu, Kabupatén Purwakarta, Jawa Barat.

Barudak téh sarumanget naker. Atuda, bisa tepung jeung babaturan sakola séjén, sakalian ngadu jajatén jadi juara, engkéna boga miluan dina kagiatan nu leuwih luhur.

Barudak nu tandang, mémang meunang milihan guru-guruna. Kitu téh luyu jeung pangabisa masing-masing. Dina kagiatan éta téh, aya genep rupa widang lomba diantarana O2N, OSN, FLS2N, OLTRAD, sarta FL2N.

Nu mariluan téh ti sakumna SD nu aya di Kecamatan Cibatu. Teu hésé néang patandang mah, da masing-masing sakola gé nataharkeun ‘para atlit” tianggalna kénéh. Atuh, dina waktuna téh kari prakna. Kamari gé, éta saniskara kagiatan téh diiluan ku 13 SD nu aya Kacamatan Cibatu. Kitu ceuk Ketua Panatacalagara, Dasuki, S.Pd (Kepala SDN Cipinang) nalika ngabéjerbéaskeun kagiatan ka Warta Sunda Onliné.

Malah mandar Kecamatan Cibatu dina widang seni mah nya FLS2N téh, minangka ayeuna rék langkung dironjatkeun deui. Kajaba aya mitra nu husus dina widang seni, nyatana Pa. Adé Suryadin nu kakara sabaraha bulan mupuhuan di SMPN 1 Cibatu, inyana salaku praktisi seni nu kawéntar.

Ku kituna, inyana miharep ka Pa. Adé Suryadin, pikeun ngabantos kana widang seni di Kecamatan Cibatu.*** Anto Sukanto.

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: