WARTA TI SAKOLA
Visitasi Penggunaan BOS Triwulan
Ke-3
Hasil Gawé Bareng Saréréa
AJÉN inajén Kelompok Kerja Kepala
Sekolah (K3S) di tingkat SD, keur urusan sakola mah géde mangfaatna. Saperti
halna dina tiap rapat nu ditepikeun ku urusan ademik sareng non akademik,
urusan koordinasi jeung sajabana. Komo deui nu urusan pakuat-pakait urusan
dines.
Kayaning basa kamari tilu K3S
ngayakeun kagiatan Visitasi Penggunaan BOS Triwulan ke-3 nu tempatna
dipuseurkeun di SDN Campaka Kecamatan Campaka, Purwakarta (8/10). Nara sumber
nu masihan materi téh ti perwakilan Dinas Pendidikan Kabupatén Purwakarta,
saperti Kasi Kurikulum & Penilaian, Dede Supendi, S.Pd.I, M.Pd.I, sarta
Kasi Kesiswaan & Pengembangan Karakter, Sadiah, M.Pd. kitu ceuk salah
saurang K3S SD Kecamatan Cibatu, Dasuki S.Pd (Kepala SDN Cikadu).
“Para pamilon Visitasi Penggunaan
BOS Triwulan ke-3 diantarana guru/bendahara tur Kepala SD/SMP di tilu
kecamatan, malah dikarcis sagala. Ngarah teu silih sosorobot unggal pamilon,
kituna ogé ngagampangkeun keur pemateri nu masihan visitasi Bos. Ajaba ti éta,
tilu UPTD Pembinaan SD, Kepala SD/SMP tur Satap hadir nyaksenan Visitasi BOS,”
pokna Dasuki.
Sedengkeun ceuk K3S SD Kecamatan
Campaka, Saip, S.Pd (Kepala SDN Benteng), pihakna dipasihan kasempetan jadi
tuan rumah dina kalumangsungan Visitasi Penggunaan BOS Triwulan ke-3 téh hasil
kasapukan antara Kecamatan Cibatu jeung Bungursari.
Lain deui kasauran K3S SD
Kecamatan Bungursari, Akhmad Ruhyat, S.Pd (Kepala SD/SMP Negeri Satap Terpadu 3
Cikopo) dipilhna tempat kagiatan di Campaka, ngarah tengah-tengah. Lantaran ti
Bungursari ka Campaka Caket, ti Cibatu Caket. “Upami ti Bungursari ka Cibatu
komo upami tempatna di SDN Wanawali mah tebih pisan, kajaba Bendahara sareng
Kepala SD di Bungursari mah teu pada terang. Kukituna dipilh di SDN Campaka pas
pisan.” Pokna Akhmad.***Anto S.
Keterangan
poto :
Ti kénca Dasuki,
S.Pd (K3S) Kecamatan Cibatu, Saip, S.Pd (K3S) Kecamatan Campaka sarta Akhmad
Ruhyat, S.Pd (K3S) Kecamatan Bungursari
0 Response to "WARTA TI SAKOLA"
Posting Komentar