Carita Alit
CARITA ALIT
Ku : Tatang Sumarsono
Juragan Haji Hasan Mustapa, mendakan karangan, ngagolér handapeun méja. Asa lain boga déwék, gerentes dina manahna. Déwék mah tara nganggit karangan samodél kieu da. Tapi, socana teras ngéjah runtuyan aksara, dugi ka tutugna.
“Ari ieu jieunan saha?” naros ka opat gandékna.
“Abdi, sun ....”
“Naon ngaranna, karangan kieu pandéna? Sidik lain dangding, da. Tapi …,” anjeunna kerung, “asa alus ning, genaheun dibacana.”
“Sumuhun, éta téh carita alit, Juragan Panghulu.”
“Heueuh tegep. Déwék gé tacan tangtu bisa nyieunna. Aya alusna silaing boga karep hayang ngabujangga, tapi silaing mah, euy, asana merenah kénéh mun jadi tukang ngurus kuda, Tatang.”
Abong Bagawan Sirna di Rasa, weruh sadurung winarah dina nyawang ka jauhna. Da geuning jeung enyana, Tatang leuwih wanoheun kana urusan kuda, batan bagbagan sastra.
**
0 Response to "Carita Alit"
Posting Komentar