WARTA TI GURU
Mokh. Aripin
Ngalalakon Jaka Tarub
Warta Sunda Online,
Multi talenta
hiji guru diperlukeun keur urusan dilapangan mah. Lantaran nu namina GURU (diGUgu
jeung di tiRU) éta nu sok dipikaserab behditu kénéh ku urang lembur.
Kukituna,
kiprah guru dina makalangan di masarakat tangtu teu leupas tina pengetahuan
guru.
Contona Mokhamad
Aripin, S.Pd, M.Pd, salahsaurang guru di Kecamatan Sukasari nu mibanda sagudang
pangbisa. Malah mandar, inyana téh di lemburna keur ngokolakeun widang
pariwisata jeung rengrengannana nu aya dina wadah KOMP@S (Komunitas Pecinta
Alam Sukasari). Kajaba ti éta, salaku guru SMPN Satap 2 Parungbanténg Kecamatan
Sukasari. Di sakola bohna di masarakat salaku penggerak keur ngamotivasian para
nonoman.
Mokh.
Aripin, pituin Sukasari nu boga karep ngamajukeun lemburna tong nepika Sukasari
disebut deui kota terisolir bohna tempat buangan para pejabat nu kenging
hukuman.
Tah ayeuna
dina raraga miéling PGRI ka 73 sarta Poé Guru Nasional, umajak ka para juru
atik pikeun némbongkeun kaparigelan disakola bohna di lemburna sewang-sewangan
ku pangabisana masing-masing.
Saperti
témbong dina gambar Mokh. Aripin keur ngalalakon Jaka Tarub. Dina caritana Jaka
Tarub keur noong para widadari ti kahiyangan nu keur mandi di lembur Gunung
Cupu. Malah salah saurang solendang widadarina ngahaja ku Jaka Tarub disumputkeun.
Tina
wangkongan para widadari, Jaka Tarub ngadangu yén “Sing saha-saha nu manggihan
éta solendang, mun lalaki rék dijadikeun salaki, mun awéwé rék dijadikeun
dulur,” Teu kungsi lila, warikat Jaka Tarub nyampeurkeun para widadari. Nya
widadari nu tadi jangji téh, ngadahup ka Jaka Tarub.
Gancangna carita Jaka Tarub tos garwaan.... Cag.
0 Response to "WARTA TI GURU"
Posting Komentar