SONO KA ROSULULLOH

Nyair cireumis nu nyalangkrung dina sela - sela kerepna kiceup
Jang - jang langit ceudeum reueuk dirurudan ku aweuhan kalangkang burit
Ukur wasa ngahuleng !
Adzan magrib ngagero nu iman didagoan ku imam masjid
Di dieu kuring sono ka sorana muadzin
Duh !

Sétra rasa dina genclangna kahéman, panceg niat muru kiblat
Allohhumma sollialla sayiddinna Muhamad
Solawat nyeumatan untap, pikir ngait ka kanjeng Nabi

Yaa Roob !
Tepangkeun abdi sareng Nabi anu mulya
Yaa Robb !
Jantenkeun abdi janten umat anjeunna anu dalit ngahiji dina rasa asihna nu wening tingtrim
Aamiin....

Tasik, 12 Nop 2019
Nanang SOS

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: