Kadeudeuh Pamaréntah : Dinas Pangan dan Pertanian Purwakarta Masarahkeun Bantuan Cultivator ti Kementerian Pertanian
Bupati Purwakarta, Hj. Anne Ratna Mustika
Masrahkeun Bantuan ti Kementrian Pertanian ka Kelompok Tani Purwakarta.*
PURWAKARTA
– Warta Sunda Onliné,
P
|
atani
di Kabupatén Purwakarta, salila ieu dibébénjokeun ku
Kementerian Pertanian. Salahahijina, ngalewatan pemberian
bantuan nu diperlukeun pikeun nganingkatkeun produktifitas pertanian masing-masing.
Inovasi-inovasi keur ngaronjatkeun produktifitas pertanian
hususna jenis paré, nu ngahaja dilakukeun ku pamaréntah. Apanan, pamaréntah nepi ka nargetkeun dina taun 2045 nu bakal datang yén Indonésia bisa jadi lumbung pangan sadunia.
Taun ieu, para petani di wilayahna ogé meunang ibar anu ngagumbirakeun. Ngalewatan Dinas Pangan dan
Pertanian satempat, kiwari pamaréntah pusat méré bantuan ku mangrupa Traktor nu jumlahna aya kana lima
unit, Pompa Air lobana 15
unit, sarta Cultivator atawa alat penggarap husus lahan
kering lobana 17 unit.
“Ayeuna, bantuan éta geus didistribusikeun ka masing-masing kelompok tani,” pokna Kepala Dinas Pangan dan
Pertanian Kabupatén
Purwakarta, Agus Rachlan Suherlan, Salasa
(29/10/2019).
Bantuan ti Kementrian Pertanian di rawatan tur dipasrahkeun ka kelompok tani.*
Agus ngajelaskeun, ti taun 2014 kamari para petani ngaliwatan kelompokna hoyong meunanh bantuan
alat pertanian. Nepika taun 2019
ieu kacatét, keur bantuan Traktor nu geus sumebar téh ngahontal kana 281
unit. Sedengkeun Pompa
Air, aya kana 238 unit. Lian ti éta, keur alat Cultivator ngan ukur 31 unit.
“Masing – masing kelompok meunang saunit,” jelas anjeunna.
nurutkeun Agus, sakabéh bantuan éta ngahaja digolontorkeun keur ngaronjatkeun karaharjaan, taraf hirup jeung kamandirian para petani dina memenuhi kecukupan pangan.
Sajeroning kitu, Bupati Purwakarta, Anne
Ratna Mustika nambahkeun, yén patani minangka salaku penggerak utama di sektor
pertanian. Ku kituna perlu, dibébénjokeun. Nanging, pihakna miharep ka para patani bisa ngamangpaatkeun bantuan éta sacara maksimal, lajuning ningkatkeun produktivitas pertanian.
“Pihakna miharep gedé, sangkan bantuan ieu bisa dimangpaatkeun sakumaha mistina. Inyana ogé miharep,
bantuan nu saperti kitu téh bisa milu aubna para nonoman kana sektor pertanian,” pokna
Anne. (*)