PERSIB Numbangkeun FC Seoul 1-0, Tilu Poin Dibawa Mulang ti Seoul

PERSIB Numbangkeun FC Seoul 1-0, Tilu Poin Dibawa Mulang ti Seoul

SEOUL — PERSIB ngamimitian perjuanganna di Grup E AFC Champions League Two (ACL Two) 2026/2027 kalayan hasil anu positif. Maén di kandang lawan, Pangeran Biru hasil numbangkeun FC Seoul ku skor 1-0 di Stadion Piala Dunia Seoul, Korea Selatan, Rebo (16/9/2026).

Hiji-hijina gol eta, PERSIB dicitak ku Julio Cesar nalika pertandingan kakara lumangsung lima menit.

Gol gancang éta jadi modal penting pikeun PERSIB dina nyanghareupan tekanan FC Seoul anu terus ngadorong serangan sapanjang pertandingan.

Ti mimiti laga, PERSIB langsung méré tekanan. Luka Menalo narima umpan terobosan ti Adam Alis, tuluy nyoba ngirimkeun umpan silang. Tapi balna keuna ku pamaén FC Seoul nepi ka ngahasilkeun tendangan pojok.

Marc Klok anu nyokot tendangan pojok ngirimkeun bola ka pertahanan FC Seoul. Julio Cesar anu aya dina posisi pas langsung nyamber bola sarta hasil ngarahkeun bari jeung nga-GOL-keun ka gawang.

Gol éta jadi gol kadua Julio Cesar pikeun PERSIB saprak ngagabung jeung Pangeran Biru dina musim 2025/2026.

Katinggaleun hiji gol, FC Seoul langsung ningkatkeun tekanan. Tim tuan rumah leuwih loba ngawasa bal sarta terus néangan kasempetan pikeun nyitak gol penyama.

Najan kitu, pertahanan PERSIB tampil disiplin. Teja Paku Alam ogé jadi salah sahiji pamaén penting anu ngajaga gawang PERSIB tina ancaman lawan.

Dina menit ka-31, Teja hasil nampik bal hasil tandukan pamaén FC Seoul tina situasi tendangan pojok. Tilu menit saterusna, anjeunna deui ngalakukeun penyelamatan penting ku cara nepis tendangan melengkung Jeong Hyunwoo.

FC Seoul masih meunang kasempetan dina menit ka-37 ngaliwatan sundulan Hyunwoo. Bal sempet ngaliwatan jangkauan Teja, tapi Adam Alis nangtung pas di hareupeun gawang sarta hasil ngahalangan bal.

Nepi ka babak kahiji réngsé, PERSIB sanggup ngajaga kaunggulan 1-0.

Julio Cesar Kudu Nitinggalkeun Lapangan 

Asup ka babak kadua, PERSIB jeung FC Seoul masih silih serang. Dina menit ka-51, PERSIB meunang kasempetan ngaliwatan tendangan bébas Marc Klok.

Julio Cesar nyoba nyambut bal, tapi anjeunna ngalaman benturan jeung kiper FC Seoul, Kang Hyeonmu.

Cesar langsung meunang perawatan médis. Hanjakal, kondisina ngajadikeun anjeunna kudu ninggalkeun lapangan dina menit ka-54 maké penyangga beuheung sarta ditandu.

Igor Tolic tuluy ngasupkeun Ikhwan Ali Tanamal pikeun ngagantikeun Julio Cesar dina menit ka-56.

FC Seoul beuki agrésif sanggeus éta. Tapi deui-deui Teja Paku Alam tampil hadé pikeun ngagagalkeun sababaraha kasempetan tuan rumah.

PERSIB ogé ngalakukeun sababaraha pergantian pamaén pikeun ngajaga kasaimbangan tim. Balsa Sekulic jeung Ragnar Oratmangoen ditarik kaluar dina menit ka-68, diganti ku Berguinho jeung Mariano Peralta.

Saterusna, Marc Klok jeung Luka Menalo ogé diganti ku Beckham Putra Nugraha jeung Dedi Kusnandar.

Thom Haye Nyaris Tambah Gol

Ngasup kana 10 menit pamungkas, PERSIB leuwih fokus ngajaga kaunggulan. Dedi Kusnandar boga peran penting dina ngatur permainan jeung ngajaga kasaimbangan lini tengah.

PERSIB masih sempet ngancem ngaliwatan serangan balik. Dina menit ka-90, Mariano Peralta mintonkeun kamampuhan individuna ku ngalangkungan sababaraha pamaén lawan saméméh ngirimkeun umpan silang mendatar. Tapi Beckham Putra can bisa ngahontal bal.

Dina masa tambahan waktu, Thom Haye diasupkeun pikeun ngagantikeun Adam Alis.

Thom malah ampir ngagandakeun kaunggulan PERSIB. Tendanganana hasil ngaliwatan penjagaan pamaén FC Seoul, tapi bal ngan ukur nabrak tihang gawang.

Nepi ka wasit niup peluit panjang, teu aya deui gol anu kacipta.

PERSIB ahirna hasil mawa mulang tilu poin ti Seoul sanggeus ngéléhkeun FC Seoul 1-0.

Kemenangan ieu jadi awal anu penting pikeun perjalanan Pangeran Biru dina Grup E ACL Two 2026/2027. Tilu poin ti kandang FC Seoul jadi modal PERSIB pikeun nyanghareupan pertandingan-pertandingan nu bakal datang dina kompetisi Asia.***