Kapolres Purwakarta Silaturahmi ka PWI, Nguatkeun Sinergi Pers dina Ngajaga Kondusivitas Informasi
Kapolres Purwakarta Silaturahmi ka PWI, Nguatkeun Sinergi Pers dina Ngajaga Kondusivitas Informasi
PURWAKARTA — Warta Sunda Online,-
Suasana akrab tur pinuh ku sumanget karasa dina kagiatan silaturahmi jajaran Polres Purwakarta, Polda Jawa Barat, ka Sekretariat Persatuan Wartawan Indonesia (PWI) Kabupaten Purwakarta, Senén (24/8/2026).
Kunjungan anu dilaksanakeun di Sekretariat PWI Purwakarta, Jalan Veteran No. 4, Kelurahan Ciseureuh, Kecamatan Purwakarta, dipingpin langsung ku Kapolres Purwakarta AKBP Febri Nurzam. Kagiatan ieu jadi momentum pikeun nguatkeun gawé bareng antara pihak kapolisian jeung insan pers, hususna dina ngajaga kondusivitas informasi di tengah masarakat.
Kapolres Purwakarta sumping dibarengan ku Kapolsek Purwakarta Kota Kompol Enjang Sukandi, Kasat Reskrim AKP I Made Purwantara, KBO Reskrim Iptu Tri, Kanit III Satreskrim Iptu Rudi Ari Aryanto, sarta Kasi Humas Polres Purwakarta Iptu Tini Yutini sarta Rafli KRI.
Salah saurang anggota PWI nalika nepikeun patalekan KA Kapolres Purwakarta.*
Dongdonan rombongan pejabat Polres Purwakarta eta disambut langsung ku Ketua PWI Purwakarta Adi Kurniawan Tarigan, katut jajaran pangurus jeung anggota PWI Purwakarta.
Dina kasempetan éta, Adi Kurniawan Tarigan ngedalkeun pangajén kana kunjungan Kapolres Purwakarta jeung jajaranana. Numutkeun anjeunna, komunikasi jeung silaturahmi antara kapolisian jeung wartawan penting pikeun ngawangun hubungan kemitraan anu hadé jeung konstruktif.
Lumangsung silaturahmi dina suasana anu pinuh ku kaakraban. Pihak PWI sinareng Polres sapuk pikeun terus nguatkeun komunikasi dua arah anu kabuka, transparan, jeung konstruktif, utamana dina nepikeun informasi ngeunaan kaamanan jeung katertiban masarakat (kamtibmas).
Kapolres Purwakarta AKBP Febri Nurzam nétélakeun yén ayana insan pers miboga peran anu penting dina ngabantu pihak kapolisian nepikeun informasi anu akurat ka masarakat.
Salian ti éta, insan pers ogé miboga posisi strategis dina nyegah sumebarna béja bohong atawa hoaks jeung disinformasi anu bisa ngabalukarkeun kahariwang di tengah masarakat.
Ku kituna, Polres Purwakarta ngajak para wartawan sangkan salawasna ngutamakeun verifikasi, akurasi, kasaimbangan informasi, sarta tetep nyekel pageuh kode etik jurnalistik dina unggal pemberitaan.
Sinergi antara pihak kapolisian jeung insan pers dipiharep bisa beuki nguatkeun literasi média anu séhat jeung edukatif. Ku komunikasi anu hadé sarta nepikeun informasi sacara tanggung jawab, duanana boga komitmen pikeun babarengan ngajaga Kabupaten Purwakarta sangkan tetep aman, tengtrem, jeung kondusif.
Silaturahmi ieu ogé jadi bagian tina tarékah ngawangun hubungan kemitraan anu terus-terusan antara Polres Purwakarta jeung PWI Kabupaten Purwakarta, bari tetep ngajungjung luhur profesionalisme sarta kapentingan masarakat.***
Komentar