Gubernur Jabar : Copot Kapala Tikomdik Disdik Jabar Sanggeus Kisruh Aplikasi SPMB
Gubernur Jabar : Copot Kapala Tikomdik Disdik Jabar Sanggeus Kisruh Aplikasi SPMB
BANDUNG – Warta Sunda Online,-
Lumangsungna pelaksanaan SPMB 2026 mawa pangaruh Kana kalumansungan sistem ni Aya di Indonesia saperti halna di Jawa Barat. Nitenan kaayaan pelaksanaan SPMB tangtu keur orang tua siswa nu jadi obyekna dina ngasupkeun barudakna KA sakola jenjang SMA/SMK.
Gubernur Jawa Barat, Dedi Mulyadi, nembongkeun léngkah teges ku copot Suhendar tina jabatanna minangka Kepala Tikomdik Dinas Pendidikan Jawa Barat. Kaputusan éta teges sanggeus munculna rupa-rupa pasualan dina aplikasi Sistem Penerimaan Murid Baru (SPMB) Jawa Barat anu nyababkeun loba bangbaluh ti kolot calon murid.
Pencopotan éta aya patalina jeung carut-marutna sistem aplikasi SPMB anu dianggap ngaganggu prosés penerimaan murid anyar. Kulituna kolot murid ngeluh lantaran aplikasi hésé diaksés, prosés verifikasi matak ngabingungkeun, nepi ka aya parobahan data anu dianggap ngarugikeun calon murid.
Pikeun ngungkulan éta pasualan, Kang Dedi nunjuk Mark Aditya ti Dinas Komunikasi jeung Informatika (Diskominfo) Jawa Barat jadi Pelaksana Harian (Plh) Kapala Tikomdik Disdik Jabar.
Saméméhna, Kang Dedi datang langsung ka Kantor Dinas Pendidikan Jawa Barat sanggeus nampa loba laporan ti masarakat ngeunaan rupa-rupa bangbaluh dina aplikasi SPMB. Dina éta kunjungan, anjeunna nalungtik langsung kaayaan sistem sarta prosés pangwangunan aplikasi anu jadi sumber pasualan.
Kang Dedi ogé manghanjakalkeun yén aplikasi SPMB éta diwangun ti mimiti ku internal Disdik Jabar, lain ngaronjatkeun sistem anu geus aya saméméhna. Anjeunna nanyakeun naha dina prosésna henteu aya koordinasi jeung pihak Diskominfo Jawa Barat anu miboga kawenangan sarta kompeténsi dina widang téknologi informasi pamaréntahan.
Numutkeun anjeunna, koordinasi antar instansi kacida pentingna pikeun ngajamin layanan publik berbasis digital bisa lumangsung kalayan hadé, aman, sarta méré mangpaat pikeun masarakat.
Léngkahna ku nunjuk pejabat ti Diskominfo minangka Plh Kapala Tikomdik Disdik Jabar dianggap minangka usaha gancang pikeun ngabebenah sistem aplikasi SPMB anu keur jadi sorotan. Pamaréntah Provinsi Jawa Barat ngaharepkeun sagala rupa pasualan anu muncul bisa geuwat diréngsékeun sangkan prosés panarimaan murid anyar lumangsung leuwih lancar, transparan, sarta méré rasa adil ka sakumna masarakat.
Léngkah tegas Kang Dedi Mulyadi ieu ogé meunang perhatian ti rupa-rupa pihak. Masarakat ngaharepkeun aya évaluasi sacara nyeluruh sangkan kasalahan anu sarua henteu kajadian deui dina palaksanaan SPMB di taun-taun nu bakal datang.
***
0 Response to "Gubernur Jabar : Copot Kapala Tikomdik Disdik Jabar Sanggeus Kisruh Aplikasi SPMB"
Posting Komentar