Nirwan, Kepala Desa Sukajaya, Ngiringkeun 70 Siswa Wargana Terkait SPMB
Nirwan, Kepala Desa Sukajaya, Ngiringkeun 70 Siswa Wargana Terkait SPMB
PURWAKARTA – Warta Sunda Online,-
Nirwan, Kepala Desa Sukajaya, nganteurkeun sakitar 70 siswa ti wargana anu patali jeung prosés Sistem Penerimaan Murid Baru (SPMB). Dina kasempetan éta, anjeunna nyampeurkeun tanggapan jeung harepanana sangkan prosés pendaftaran digital bisa leuwih gampang dipikaharti ku warga.
Nirwan ka Warta Sunda Online, poe Salasa, 26/5/2026 di SMPN 4 Sukatani Purwakarta, nyebutkeun yen aturan SPMB ieu mangrupakeun kawijakan ti pamaréntah daerah atawa pusat anu tujuanna hadé pikeun ningkatkeun kualitas atikan jeung nyiapkeun generasi penerus bangsa. Sanajan kitu, anjeunna nyebutkeun yén cara sosialisasi ka masyarakat kudu leuwih jelas jeung praktis.
“Harapan abdi, penyampaianna ulah ngan saukur akademik, tapi leuwih kana praktek. Sosialisasi kudu leuwih loba sabab waktosna mepet,” pokna.
Anjeunna ngajelaskeun yén loba warga anu masih bingung ngeunaan prosés digital sapertos aktivasi IKD (Identitas Kependudukan Digital) jeung tata cara pendaftaran. Sababaraha warga aya nu teu boga HP, aya ogé nu boga HP tapi can ngarti kumaha ngagunakeunana.
Pikeun ngungkulan éta masalah, Nirwan ngusulkeun supaya aya kerjasama antara sakola, kecamatan, jeung pamaréntah desa. Anjeunna miharep petugas kecamatan bisa datang langsung ka desa supaya pelayanan leuwih efektif.
Salian ti éta, anjeunna nyarankeun pihak sakola jeung guru nyieun tutorial pendaftaran anu bisa dikirim ka grup WhatsApp kolot siswa supaya gampang dituturkeun.
“Anu leuwih ngarti urusan digital mah barudak, lain kolot. Ku kituna kudu aya tutorial anu jelas supaya kolot jeung siswa bisa babarengan nuturkeun prosésna,” saur anjeunna.
Di ahir keteranganna, Nirwan negeskeun yén aturan ieu saé pikeun ngadukung pembelajaran jeung masa depan generasi ngora, hususna di Jawa Barat jeung Purwakarta. Anjeunna ogé nyebutkeun yén aya sakitar 70 siswa ti wilayahna anu siap ngalanjutkeun prosés SPMB.***
0 Response to "Nirwan, Kepala Desa Sukajaya, Ngiringkeun 70 Siswa Wargana Terkait SPMB"
Posting Komentar