Kepala SMPN 1 Purwakarta Hermin Rosnawati, M.Pd, Boga Komitmen Méré Rohangan jeung Pangrojong Pikeun Murid Supaya Berkembang
Kepala SMPN 1 Purwakarta Hermin Rosnawati, M.Pd, Boga Komitmen Méré Rohangan jeung Pangrojong Pikeun Murid Supaya Berkembang
Ket.Poto: Marwah Rifa Suryadi, siswi SMPN 1 Purwakarta Poto bareng Kepala SMPN 1 Purwakarta, Hermin Rosnawati, M.Pd.*
Purwakarta – Warta Sunda Online,-
SMP Negeri 1 Purwakarta terus némbongkeun komitménna dina ngarojong pangembangan bakat jeung poténsi murid, boh dina widang akademik boh non-akademik. Hal éta ditegaskan ku Kepala SMPN 1 Purwakarta, Hermin Rosnawati, M.Pd nyebutkeun pentingna méré rohangan jeung pangrojong ka murid sangkan bisa mekar luyu jeung bakat sarta minatna séwang-séwangan.
Numutkeun anjeunna, SMPN 1 Purwakarta miboga loba murid anu berbakat dina rupa-rupa widang. Salah sahiji prestasi anu jadi kareueus babarengan nyaéta hasil anu dihontal ku ananda Marwah dina ajang Olimpiade Olahraga Siswa Nasional (O2SN) cabang olahraga renang kalayan hasil meunang sababaraha medali.
“Prestasi anu dihontal ku murid-murid SMPN 1 Purwakarta jadi motivasi jeung énergi positif pikeun urang sadaya. Sakola bakal terus ngasah kamampuhan murid ngaliwatan kagiatan ekstrakurikuler sarta ngiringkeun maranéhna dina rupa-rupa pasanggiri bakat jeung minat murid,” saur anjeunna.
Anjeunna ogé nambahan yén pihak sakola bakal terus nyiptakeun lingkungan atikan anu bisa ngarojong murid jadi pribadi anu percaya diri, boga prestasi, sarta mampuh bersaing sacara positif dina rupa-rupa ajang atikan jeung olahraga.
Ngaliwatan pangbinaan anu terus-terusan jeung rojongan ti sakumna pihak sakola, SMPN 1 Purwakarta miharep bisa terus ngahasilkeun generasi ngora anu unggul sarta mampuh ngaharumkeun ngaran sakola jeung Kabupaten Purwakarta di tingkat anu leuwih lega.***
0 Response to "Kepala SMPN 1 Purwakarta Hermin Rosnawati, M.Pd, Boga Komitmen Méré Rohangan jeung Pangrojong Pikeun Murid Supaya Berkembang"
Posting Komentar