BPJS Kesehatan Ngajelaskeun: Teu Sadaya Layanan Kaséhatan Ditanggung, Warga Ulah Salah Paham
BPJS Kesehatan Ngajelaskeun: Teu Sadaya Layanan Kaséhatan Ditanggung, Warga Ulah Salah Paham!
PURWAKARTA – Warta Sunda Online,-
Pihak BPJS Kesehatan negeskeun yén henteu sakabéh layanan kaséhatan bisa ditanggung dina program Jaminan Kaséhatan Nasional (JKN).
Hal ieu disaluyukeun jeung aturan pamaréntah anu ngatur watesan manfaat layanan kaséhatan pikeun peserta BPJS.
“BPJS Kesehatan ngan ngajamin layanan anu saluyu jeung indikasi médis, prosedur, sarta katangtuan anu geus ditetepkeun. Mun di luar éta, jadi tanggung jawab pribadi peserta,” ceuk Kepala Kantor Kabupaten Purwakarta BPJS Kesehatan, Rizal Mafa pasamon di Kantor Sekretariat PWI Kabupaten Purwakarta, Rebo, 29 April 2026.
Aya sababaraha layanan anu teu kaasup dina tanggungan BPJS, di antarana:
- Layanan anu teu ngalangkungan prosedur rujukan resmi
- Pangobatan pikeun tujuan estetika atawa kageulisan
- Program infertilitas saperti bayi tabung
- Kasakit akibat penyalahgunaan narkoba jeung alkohol
- Layanan kaséhatan di luar nagri
- Medical check-up keur kapentingan administrasi
- Pangobatan alternatif anu can kabuktian sacara médis
Salian ti éta, BPJS ogé netelakeun yén layanan anu henteu boga indikasi médis atawa henteu darurat, teu kaasup dina jaminan program.***
Sanajan kitu, dina kaayaan gawat darurat, peserta tetep bisa meunang layanan kaséhatan sanajan henteu ngalangkungan prosedur rujukan heula.
BPJS Kesehatan ngimbau ka masarakat supaya leuwih ngarti kana hak jeung kawajiban salaku peserta, sarta nuturkeun alur layanan anu geus ditangtukeun supaya bisa ngamangpaatkeun program JKN sacara optimal.
0 Response to "BPJS Kesehatan Ngajelaskeun: Teu Sadaya Layanan Kaséhatan Ditanggung, Warga Ulah Salah Paham"
Posting Komentar