Workshop Perhitungan & Pemetaan PTK Digelar di Bale Diklat PGRI Tritangtu Purwakarta
Workshop Perhitungan & Pemetaan PTK Digelar di Bale Diklat PGRI Tritangtu Purwakarta
Purwakarta – WSO, Dinas Pendidikan Kabupaten Purwakarta ngayakeun Workshop Perhitungan jeung Pemetaan Pendidik jeung Tenaga Kependidikan (PTK) pikeun jenjang Pendidikan Dasar jeung Nonformal/Kesetaraan. Kagiatan ieu minangka léngkah strategis pikeun ngahimpun data akurat ngeunaan jumlah, sebaran, kualifikasi, jeung kompetensi PTK minangka dasar pikeun perencanaan pendidikan anu leuwih terarah.
Workshop ieu dilaksanakeun di Bale Diklat PGRI Tritangtu, Sadang Purwakarta, dina poé Rebo (10/12/2025).
Workshop ieu ogé dimaksudkeun pikeun nguatkeun database PTK minangka rujukan dina prakiraan kabutuhan pendidik di mangsa nu bakal datang sarta pikeun nyusun strategi pangembangan tenaga pendidik jeung kependidikan.
Sababaraha materi utama nu dikulik di antarana:
- Sebaran PTK di tiap jenjang
- Kualifikasi jeung kompetensi PTK
- Perhitungan kabutuhan masa datang
- Analisis kesenjangan antara ketersediaan jeung kabutuhan di lapangan
Kagiatan ieu diiluan ku rupa-rupa unsur, di antarana pengawas SD–SMP, penilik, pengelola kepegawaian, sarta perwakilan kepala sakola TK.
Dina workshop ieu hadir dua narasumber utama, nyaéta:
- Kurnia Novianti, S.TP., M.Si
- H. Asep Anggara, S.Kep., MM.Kes
(keduana ti BKPSDM Purwakarta)
Salian ti éta, hadir ogé unsur Dinas Pendidikan:
- Kabid Pembinaan Ketenagaan: Dodi Winandi, S.Pd., MM
- Kasi PTK SMP: Asep Rahmatudin, M.Ag
- Kasi PTK SD: Rusyana, M.Pd
- Analis SDM Aparatur: Andi Saleh, S.Sos.I., S.AP
Dina kasempetan éta Kurnia Novianti, S.TP., M.Si (BKPSDM Purwakarta) nétélakeun yén perhitungan PTK téh penting pisan pikeun ngadukung arah pembangunan pendidikan nu langkung terstruktur.
“Data PTK anu akurat bakal janten pondasi dina nyusun kebijakan. Ku cara ieu, urang tiasa ningali sabaraha kabutuhan guru jeung tenaga kependidikan nu saleresna dina unggal satuan pendidikan,” saur Kurnia.
Sedengkeun ceuk H. Asep Anggara, S.Kep., MM.Kes negeskeun yén pemetaan PTK henteu ngan ukur nyusun angka, tapi ogé pikeun ningkatkeun mutu pendidik di lapangan.
“Pemetaan ieu sanés ngeunaan jumlah hungkul, tapi kumaha urang mastikeun yén kompetensi pendidik luyu jeung kabutuhan pendidikan ayeuna. Ieu bakal mangaruhan kualitas diajar barudak,” ceuk H. Asep Anggara.
Lain halna ti para pejabat Dinas Pendidikan ogé masihan tanggapan positif. Dodi Winandi, S.Pd., MM salaku Kabid Pembinaan Ketenagaan nyarios:
“Workshop ieu mangrupikeun léngkah strategis pikeun ngawangun sistem informasi PTK anu rapih, valid, jeung tiasa dijadikeun dasar pikeun pengambilan kaputusan.”
Salah sahiji perwakilan pengawas SD–SMP, Suparna, ngungkabkeun yén workshop ieu janten momen penting pikeun nyaluyukeun data sareng kaayaan nyata di lapangan.
“Dina prak-prakan di lapangan, sok aya béda antara data jeung kaperluan sabenerna. Kalayan workshop ieu, urang tiasa ngalereskeun data supaya leuwih valid sarta tiasa dijadikeun rujukan pikeun pemenuhan guru di sakola,” saur Suparna.
Anjeunna ogé negeskeun yén pengawas ngabagéakeun program ieu sabab bakal ngabantu kinerja monitoring sareng pembinaan.
“Lamun data PTK parantos rapih, prosés pembinaan ogé bakal leuwih terarah jeung efisien,” pokna deui.
Ceuk Perwakilan kepala sakola TK, Ibu Rini Handayani, ogé masihan pamadegan yén pemetaan PTK téh penting pikeun nyumponan kekurangan guru khususna di tingkat pendidikan dasar awal.
“Sakola kami kadang ngalaman kasusah dina nepikeun kabutuhan guru ka tingkat kabupaten. Kalayan pemetaan ieu, kabutuhan guru bisa katingali sacara sistematis,” ceuk Ibu Rini.
Anjeunna nambahkeun yén kegiatan saperti kieu ogé nguatkeun koordinasi antara sakola, pengawas, sareng Dinas Pendidikan.
“Kami ngaharepkeun hasil workshop ieu tiasa langsung mangaruhan kabijakan, supaya distribusi guru leuwih merata jeung barudak meunang layanan pendidikan anu optimal,” pokna.
Hasil tina workshop ieu dipiharep bisa janten pondasi pikeun nyusun perencanaan pendidikan nu leuwih presisi, efektif, sarta nyumponan kabutuhan pendidikan di Kabupaten Purwakarta.***
0 Response to "Workshop Perhitungan & Pemetaan PTK Digelar di Bale Diklat PGRI Tritangtu Purwakarta"
Posting Komentar