Purwakarta Akuatic Swimming Festival 2025 : Prestasi Siswa SDN 1 Sukamulya Tegalwaru dina Cabang Renang
Purwakarta Akuatic Swimming Festival 2025 : Prestasi Siswa SDN 1 Sukamulya Tegalwaru dina Cabang Renang
PURWAKARTA – WSO, Dina raraga miéling Milangkala ka-60 Divisi Infanteri 1 Kostrad, parantos kalaksanakeun Purwakarta Akuatic Swimming Festival 2025 nu dipusatkeun di Kolam Renang Sthira Yudha dina tanggal 22–23 November 2025. Kagiatan ieu janten salah sahiji wadah penting pikeun ngaronjatkeun pembinaan atlit ngora, hususna dina cabang olah raga renang.
Salah sahiji peserta nu narik perhatian nyaéta Surya Natanagara, siswa kelas VI SDN 1 Sukamulya Tegalwaru anu ogé janten anggota Marlin Swimming School. Sanajan kakara sababaraha bulan ngiluan program latihan, Surya parantos nunjukkeun kamajuan anu signifikan sarta mampuh ngukir prestasi.
Dina kasempetan ieu, Surya suksés ngarebut total:
6 medali emas juara seri, 1 medali emas juara acara, 1 medali pérak juara acara, sarta 1 medali perunggu juara acara dina kategori fun swim. Ieu prestasi ngabuktikeun yén prosés latihan anu ditekunan mimiti ngahasilkeun buah anu nyugemakeun.
Daptar prestasi Surya Natanagara dina Purwakarta Akuatic Swimming Festival 2025:
- Nomer 5 – Event 105 Boys 12–13, 50 LC Meter Butterfly Fins – Waktu: 37.08
- Nomer 1 – Event 129 Boys 12–13, 25 LC Meter Backstroke – Waktu: 23.52
- Nomer 6 – Event 137 Boys 12–13, 50 LC Meter Freestyle Fins – Waktu: 33.46
- Nomer 3 – Event 149 Boys 12–13, 25 LC Meter Butterfly – Waktu: 18.86
- Nomer 2 – Event 167 Boys 12–13, 25 LC Meter Breaststroke – Waktu: 21.59
- Nomer 4 – Event 173 Boys 12–13, 25 LC Meter Freestyle – Waktu: 18.12
Performa anu ditampilkeun ku Surya, putra ti A. Nuryana, S.Ag., M.Pd, ngagambarkeun hasil tina pembinaan anu terstruktur sarta rojongan anu kuat ti pihak sakola, klub, sareng para pelatih. Prestasi ieu dipiharep tiasa janten motivasi pikeun Surya pikeun terus ningkatkeun kualitas latihan boh dina tingkat kabupatén boh dina tingkat régional.
Biangna Surya, Yatnika Kamelia, S.Pd, ngungkabkeun rasa syukur sarta harepanana, “Tong puas heula ku prestasi anu tos kahontal. Teruskeun latihan, mugia tiasa ngahasilkeun prestasi anu langkung sae di mangsa nu bakal datang. Kami oge ngahaturkeun nuhun ka pihak sakola, klub, sareng para pelatih anu terus ngadukung putra-putra urang.”
Pihak sakola sareng klub ogé ngarepkeun prestasi Surya tiasa janten pendorong pikeun atlit séjén di lingkungan pendidikan jeung pembinaan renang di Kabupaten Purwakarta. Komitmen pikeun mecenghulkeun atlit ngora berprestasi bakal terus diprioritaskan sangkan lahir generasi anu langkung siap bersaing di tingkat nu leuwih luhur.
0 Response to "Purwakarta Akuatic Swimming Festival 2025 : Prestasi Siswa SDN 1 Sukamulya Tegalwaru dina Cabang Renang"
Posting Komentar