Seren Sumeren Jabatan Kepala SDN Pangkalan, ti Lukman Suherman, S.Pd., MM.Pd. ka Elin Solihat, S.Pd. (Plt) SDN Pangkalan, Korwil 7 Bojong–Darangdan
Seren Sumeren Jabatan Kepala SDN Pangkalan, ti Lukman Suherman, S.Pd., MM.Pd. ka Elin Solihat, S.Pd. (Plt) SDN Pangkalan, Korwil 7 Bojong–Darangdan
Purwakarta – Grup Majalah Warta Sunda,-
Dina tanggal 2 Séptémber 2025, parantos dilaksanakeun acara serah terima jabatan Kepala Sekolah SDN Pangkalan, anu aya dina Koordinator Wilayah (Korwil) 7 Bojong–Darangdan, Kabupaten Purwakarta.
Acara ieu dihadiran ku unsur Korwil 7 Pendidikan Bojong - Darangdan, Kabupaten Purwakarta para kepala sekolah di wilayah Bojong–Darangdan, guru-guru, komite sakola, ogé tokoh masyarakat. Suasana lumangsung hikmat, sederhana, jeung sarat ku rasa silih hormat.
Dina kasempetan éta, Dina kasempetan éta, kepala sekolah lami, Lukman Suherman, S.Pd., MM.Pd ngedalkeun pamit sareng rasa syukur:
“Simkuring hatur nuhun ka sadaya pihak anu parantos ngadukung program-program sakola salila abdi ngajalankeun tugas. Mugia SDN Pangkalan tetep maju sareng berprestasi,” saur anjeunna.
Sedengkeun kepala sekolah anyar Elin Solihat, S.Pd. (Plt) SDN Pangkalan., nyatakeun komitmen pikeun neruskeun program anu tos aya sareng ngembangkeun inovasi anyar pikeun murid.
“Abdi siap gawé bareng sareng guru, komite, sareng masyarakat pikeun ngaronjatkeun kualitas pendidikan di SDN Pangkalan,” saur anjeunna dina sambutanana.
Korwil 7 Bojong–Darangdan Yuswan, S.Pd, oge nambihan harepan, sangkan aya kerja bareng anu solid pikeun ngamajukeun pendidikan, boh di SDN Pangkalan boh di sakumna wilayah Bojong–Darangdan.
Acara ditutup ku doa babarengan sareng salam-salaman, lambang ngahiji pikeun ngawangun pendidikan anu leuwih hade.***
0 Response to "Seren Sumeren Jabatan Kepala SDN Pangkalan, ti Lukman Suherman, S.Pd., MM.Pd. ka Elin Solihat, S.Pd. (Plt) SDN Pangkalan, Korwil 7 Bojong–Darangdan"
Posting Komentar