Prestasi SMPN 2 Sukasari : Niken Segala Warna, Siswa Kelas 8 Raih ka-2 Lomba Konten Poster Digital Jenjang SMP Sa-Kabupatén Purwakarta Tahun 2025
Prestasi SMPN 2 Sukasari : Niken Segala Warna, Siswa Kelas 8 Raih ka-2 Lomba Konten Poster Digital Jenjang SMP Sa-Kabupatén Purwakarta Tahun 2025
Purwakarta – Grup Majalah Warta Sunda,-Salah sahiji prestasi nu disangking ku Niken Segala Warna, siswi kelas 8 SMPN 2 Sukasari, anu hasil ngadamel kontén Poster Digital anu meunang penghargaan ka-2 Lomba Konten Poster Digital Jenjang SMP Sa-Kabupatén Purwakarta Tahun 2025.
Ajang ieu mangrupakeun wadah pikeun nembongkeun kreativitas murid ngaliwatan média digital, hususna dina ngenalkeun profil jeung kaunggulan sakola. Poster Digital karya Niken meunang perhatian loba panonton alatan tampilan anu éndah, kreatif, sarta eusina écés ngenalkeun poténsi sakola.
Kapala sakola ngahaturkeun rasa syukur sarta bangga ku hasil anu dicapai. “Prestasi ieu bukti yén murid urang miboga bakat sareng kamampuhan dina widang digital. Muga jadi motivasi pikeun barudak séjén sangkan leuwih semangat berinovasi,” pokna.
Ku ayana penghargaan ieu, sakola ngarepkeun bisa terus ngadorong literasi digital sarta kreativitas murid dina nyanghareupan tantangan jaman kiwari.
Kepala SMPN 2 Sukasari, Heri Kusnandar, ngedalkeun rasa sukur jeung banggana: “Alhamdulillah, abdi reueus pisan ka Niken anu tiasa ngawakilan sakola sarta ngahasilkeun prestasi. Hatur nuhun ka Bapak Wahyu Herri Purnomo, S.Pd. salaku guru pembimbing, oge ka Ibu Sadiyah, M.Pd. (Plt. Kadisdik Purwakarta) anu parantos mere apresiasi.”
Samentara éta, Niken Segala Warna ogé ngedalkeun rasa bungah sarta ngahaturkeun nuhun ka guru jeung rerencangan anu geus masihan dorongan jeung dukungan. Anjeunna miharep prestasi ieu bisa jadi léngkah pikeun terus ngamekarkeun kreativitas di dunya digital.
Prestasi anu dihontal ku Niken diharepkeun sanggup jadi motivasi pikeun sakumna murid sangkan leuwih semangat dina berkarya, hususna dina ngamangpaatkeun téknologi pikeun hal anu positif jeung ngainspirasi batur.***
0 Response to "Prestasi SMPN 2 Sukasari : Niken Segala Warna, Siswa Kelas 8 Raih ka-2 Lomba Konten Poster Digital Jenjang SMP Sa-Kabupatén Purwakarta Tahun 2025"
Posting Komentar