“Ranca Ika Reksa Persada”, Tema Jamran Kiarapedes 2025 pikeun Ngajaga Lingkungan jeung Persatuan NKRI
“Ranca Ika Reksa Persada”, Tema Jamran Kiarapedes 2025 pikeun Ngajaga Lingkungan jeung Persatuan NKRI
Kiarapedes – Grup Majalah Warta Sunda,-
Gerakan Pramuka Kwartir Ranting Kiarapedes taun ieu ngayakeun Jambore Ranting (Jamran) 2025 kalayan ngangkat téma “Ranca Ika Reksa Persada.”
Téma ieu mibanda harti yén Jamran janten hiji wadah pikeun ngahiji, ngajaga, sarta miara lingkungan ogé tanah air. Kalimah Ranca (wadah), Ika (hiji), Reksa (ngajaga), Persada (tanah air) ngandung filosofi yén Pramuka téh kudu bisa jadi pemersatu generasi, pelindung lingkungan, jeung panyekel persatuan NKRI.
Pupuhu Panatacalaga Kiarapedes, MOHAMAD ALI ISKANDAR, S.Pd., ngajelaskeun yén Jamran 2025 sanés ukur kagiatan kemping wungkul, tapi ogé mangrupa ajang pikeun ngalatih kapamimpinan, mandiri, kreatifitas, jeung rasa solidaritas di kalangan anggota Pramuka.
Salaku gerakan pendidikan non-formal, Pramuka ngaliwatan Jamran Kiarapedes ogé dipiharep bisa ngabentuk karakter generasi ngora anu satia, giat, jeung bakti ka nagri.
Téma “Ranca Ika Reksa Persada” ogé dijadikeun sora panggerak jeung semboyan pikeun sakumna Ambalan jeung DKR Kiarapedes, supaya kompak jeung salawasna sumanget dina ngalaksanakeun darma baktina ka rahayat jeung tanah air.
Tema "Ranca Ika Reksa Persada" ngandung harti anu jero pikeun gerakan Pramuka di Kiarapedes.
Ranca → wadah, tempat pikeun ngumpulkeun jeung ngawangun
Ika → hiji, simbol persatuan
Reksa → ngajaga, miara, ngurus
Persada → tanah air, bangsa jeung nagara
Ku kituna, sacara umum tema ieu ngagambarkeun yén Jamran 2025 jadi wadah pikeun generasi muda Pramuka sangkan sanggup ngawangun karya, miara lingkungan, sarta nguatkeun rasa cinta tanah air. Ieu minangka bentuk apresiasi jeung tanggung jawab pikeun ngajaga keutuhan, kesatuan, jeung persatuan NKRI.
Salian ti éta, tema ieu ogé dijadikeun slogan jeung semangat panggerak pikeun sakumna anggota Gerakan Pramuka Kwartir Ranting Kiarapedes, kalebet Ambalan jeung DKR Kiarapedes, supaya leuwih kompak, kreatif, jeung tanggung jawab kana masa depan bangsa.***
0 Response to "“Ranca Ika Reksa Persada”, Tema Jamran Kiarapedes 2025 pikeun Ngajaga Lingkungan jeung Persatuan NKRI"
Posting Komentar