Ponpes Al-Muhajirin Nerapkeun Protokoler Kesehatan keur Santrina

PURWAKARTA - Warta Sunda Onliné,

Poé Ahad kamari, (5/7/2020) siswa-siswi kelas 6 Pondok Pesantrén Al-Muhajirin geus ngamimitian deui lalebet ka ponpes. Saméméhna 3 (tilu) bulan dialajar diimahna sewang-sewangan.

Dina pamenteu para santri katingal aratoheunna pisan, keur mah dialanteurkeun ku kolotna maké kendaraan mobil nu dianjurkeun ku pihak nu ngalola ponpes, ngarah ari maké kendaraan pribadi mah, salantri steril tina virus corona.

Heru Rojikin salaku ketua satgas penanggulangan covid-19 Ponpes Al-Muhajirin ngainformasikeun yén tetep masih dina nerapkeun protokoler kesehatan leuwih daria.

"Nilik tina kawijakan pingpinan nu diembarkeun éta, nerapkeun protokoler kesehatan luyu sareng standar, ti mimiti mobil nu nganteur santri ngan nepi panto gerbang, santri lebet ka ponpes kudu ngalewatan misting maxer sangkan disemprot disinpektan tur di cek suhu tubuh," pokna Heru.

"Kadatangan santri sangkan tong loba ngariung, pihak pasantrén ngajadwal kadatangan santrina digilir. Malah poé Ahad ueu mah jadwalna santri kelas 6." pokna.

Ceuk Kurnia salaku bagéan sarana, ngajentrekeun yén fasilitas pencegahan virus covid-19 geus dipersiapkeun langkung daria. Saperti sarana ruang isolasi, nambah fasilitas Poskestrén kalebet tenaga medisna, sarta leuwih ti 60 wastapel disiapkeun, lian ti éta, dipiharep tina sa-kamarna asal 20 urang siswa ayeuna ngurangan  50 pérsén (10 siswa)," pokna.*** 

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: