Deni Wijaya, Dianggap Corona ku Médsos
Hasil tina medsos WhattsApp
PLÉRÉD – Warta
Sunda Onliné,
|
M
|
AHABUNA informasi di média social teu bisa kabendung sagalarupina. Antukna informasi antara hoax jeung henteuna mah pacampur ngahiji. Dina hal ieu mah, masarakat kudu pinter jeung milah-milah informasi nu katarima. Saperti halna di Désa Palinggihan Kecamatan Pléréd poé Saptu, (2/5), tadi geunjleung aya saurang warga keuna covid 19.
Ungkara di luhur éta pikeun redaksi langsung
koordinasi sareng pihak-pihak terkait sangkan narima informasi anu saujratna.
Warta Sunda Onliné koordinasi lewat seluler sareng Camat
Kecamatan Pléréd, Pjs Kadés Palinggihan sarta Kepala Puskesmas Pléréd. Dihandap
ieu hasil wawancara ngaguar medsos nu sumebar di WhatsApp.
Camat Kecamatan Pléréd, Asep Sonjaya ngeceskeun,
yén inyana ngabenerkeun aya wargana Désa Palinggihan nu teu damang. Malah mandar
wargana téh ti kamari soré (Juma’ah, 1 Mei 2020) pasieun rujukanana dibawa ka
Rumah Sakit Thamrin. Pihakna dibantos ti puskesmas jeung rengrengan pikeun ngaantisipasi
kaayaan pasieun jeung kulawargana sangkan tong keuna ku virus covid 19. Ngeunaan
wargana ngantosan informasi salajengna ti pihak rumah sakit.
Lain halna ceuk Atep (Pjs. Kadés Palinggihan), pihakna
ngabenerkeun yén Deni Wijaya. (22), panganjrekana di Kp. Pangkalan
RT.006/RW.003 Désa Palinggihan Kecamatan Pléréd, Kabupatén Purwakarta nuju teu
damang. Ku kituna pikeun leuwih apal saujratna tina panyawat wargana, manga informasi
sareng kronologis sagala rupanna aya di Kepala Puskesmas Pléréd. Inyana teu
tiasa mastikeun yén wargana keuna corona henteuna. Malahan inyana apal yén wargana
dipariksa ku rapid tes (pengecekan). “Ngarah langkung apal éta rapid tes téh nu
leuwih kompeten mah Dinas Kesehatan,” pokna Atep.
Hasil tina medsos WhattsApp
Sedengkeun nu kasauran Kepala Puskesmas Pléréd,
Erna Siti Nurjanah, ngabenerkeun pihak puskesmas ngadongdong langsung ka pasien
urang Palinggihan. Malah pihakna di aping sareng Pa Camat, Pa Kadés sareng nu
sanésna cepat tanggap dina isu dina médsos.
Tina cacariosan sareng pihak keluarga, Erna
ngajelaskeun ka Warta Sunda Onliné nu
sabenerna nu karandapan ku Deni Wijaya, yén ibuna ngeceskeun nu jadi putrana téh
keluhanna teu raraos. Nepika berobat ka Asri Cianting di duga panyawat DBD,
kedah dirawat tapi anjeuna uwih heula badanten sareng badanten jeung kulawarga soréna
angkat ka RS. Thamrin,” kitu basa nyarioskeun cacariosan ibuna Deni.
Ceu Erna, pihak RS. Thamrin tangtos pasien di Screening
heula, nilik tina protapna teras dilakukan tes rapid tes. Rapid tes nunjukeun positif. Rapid tes ieu téh mengenal sebuah penelitian/penyelidikan
tentang tes rapid. Jadi rapid tes téh keur mengsreening yén tubuh pasien
keuna virus. Jadi dina hal ieu mah, yén nu keuna virus corana heunteuna mah,
salajengna kedah di sweeb. Sweeb éta tina
cairan nu dicampur kana irung sareng genggerongan. Bérésna tina penelitian éta
téh hasilna nepika tujuh poé, éta paling cepet. Janten teu acan katingal positif
corona/virus covid 19, untuk mencegah
terjadinya penyebaran bilih positif dalam waktu 7 hari. Tangtos éta pasieun
téh diisolasi di rawat di rumah sakit.
Sedengkeun keluarga nu kamari nganteur ibuna, ambulana
sareng ibu kaderna tangtos kedah diperhatikeun. Diperhatikeun ku di isolasi
mandiri. Mun nepika tujuh poé kitu waé komo nepika opat welas poé. Kakara hasilna
katarima ku pihak keluarg.
“Mudah-mudahan tong nepika opat welas poé,
sukur-sukur nepika lolos,” pokna Ibu Kepala Puskesmas.
Pihakna miharep sami-sami ngadu’a,
mudah-mudahan hasil suweb laboratorium negatip corona.
Inyana ogé mang hanjakalkeun nepika infomasi nu
can puguh bener henteuna keuna ku virus corona nepika sakitu raména.
Pihakna, ngahaturkeun rewu-rewu nuhun ka aparat
désa nu tos ngajaga sakumaha mistina ku cara nyieun portal jeung nyayagakeun
tim medis pikeun mariksa rapid tes, éta luar biasa. Kalih ti éta keur ngajaga
wargana tong nepika keuna ku virus Corona sarta ngajaga kejahatan,” pokna Erna mungkas
obrolan tina selulerna.***