Purwakarta Nargetkeun Zero Peredaran Miras
Press Release :
Purwakarta
Nargetkeun Zero Peredaran Miras
B
|
upati Purwakarta Anne Ratna Mustika ngaapresiasi léngkah jajaran
Polres Purwakarta dina komitmen kana pemberantasan peredaran minuman keras
(Miras) di wilayah hukum Kabupatén Purwakarta.
"Taréah jeung
patéah jajaran Polres Purwakarta ngarupakeun léngkah penyelamatan generasi
muda. Kulantaran miras jeung narkoba matak ngarugikeun jeung mawa malapetaka keur
urang saréréa," Kitu ceuk Bupati Purwakarta, Anne Ratna Mustika nalika
agenda Pemusnahan Barang Bukti Miras, di Mapolres Purwakarta, Kemis (19/12).
Nurutkeun Bupati nenehna
Ambu Anne penanggulangan, pencegahan jeung penindakan peredaran miras jeung
narkoba ieu téh tanggeng waler sadayana.
"Inyana, ngapresiasi
tur komitmen jajaran Polres Purwakarta keur ngaberantas peredaran miras jeung
narkoba. Purwakarta kudu zero peredaran miras jeung narkoba," pokna Ambu
Anne.
Dina kasempetan éta,
Kapolres Purwakarta AKBP Matrius dina kateranganna negeskeun, yén ribuan botol
miras jeung nu sajenisna ieu téh hasil tina kagiatan rutin dina raraga cipta
kondisi Natal jeung Tahun Baru Polres Purwakarta 2019.
"Aya 4.019 botol
miras sagala merk jeung ukuran, ti mimiti 158 leter miras jenis ciu, 100 leter
tuak jeung 505 leter jenis gingseng poéan éta mah dimusnahkeun nu disaksian ti
unsur Forkopimda," pokna Matrius.
Ku kituna, pihak Kapolres
Purwakarta uar pangajakna sangkan sakabéh elemen masarakat keur ngabantu jeung ngainformasikeun
ka jajaranna mun seug aya peredaran miras jeung narkoba di wilayah Purwakarta.
"Percayakeun wé ka
pihakna, pihakna sagancangna narima informasi ti masarakat rék langsung
diupayakeun ditindak," pokna Kapolres. (*)
0 Response to "Purwakarta Nargetkeun Zero Peredaran Miras"
Posting Komentar