Pitutur : PEUPEUJEUH KI SUNDA
PEUPEUJEUH KI SUNDA
Ku : Akoer Lah
Yeuh... geura
regepkeun :
Hirup mah kudu landung kandungan, laér aisan, leuleus
jeujeur liat tali, gedé bacot hadé congcot, soméah hadé ka sémah. Congo nyurup
kana puhu, ka luhur sirungan ka handap akaran. Bisa ngajaga panon ku awasna,
ngajaga ceuli ku déngéna, ngajaga létah ku ucapna, ngajaga haté ku ikhlasna.
Weruh ka semuna apal ka basana, rancingeus rasana rancagé haténa. Sareundeuk
saigel, sabobot sapihanéan, ka cai jadi saleuwi, ka darat jadi salogak.
Mun geus kitu bakal :
Mun geus kitu bakal :
Bumi manjing ka langitna, ti langit séah hujanna, lembur
subur, kota bagja, masjid jeung diri ngahiji, harta geus ngawujud harti, hukum
geus ngawujud adil, nyanding pamingpin ka rahayat, ulama ajeg wiwaha, ucap
jeung léngkah sarua, pitutur ngawangun subur, ayat ngawujud ka adab.
Mun teu kitu bakal :
Mun teu kitu bakal :
Kawung mabur carulukna, samak leungiteun pandanna,
ciamis tinggal paitna, cihérang tinggal kiruhna, resi leungiteun ajina, ulama
ilang komara, kaduruk hawa napsuna, bangkong di kongkorong kujang, ka cai
kundang cameti.***
