WARTA TI SUKASARI : Puluhan Mobil Ambulance Désa di-Lounchingkeun ku Bupati di Sukasari

Puluhan Mobil Ambulance Désa

di-Lounchingkeun ku Bupati di Sukasari

SUKASARI – Warta Sunda Onliné,

K

ulantaran gedé kanyaahna sapintas mah jiga nu tegaan, kitu deui jeung kawijakan Kang Dedi Mulyadi waktu jadi Pupuhu Purwakarta. Ari ayeuna warga masarakat Purwakarta nu aya dilembur atawa dikota ka suklak-ka siklukna kiwari ngarasa barungah kusabab dilingkunganana sewang-sewangan mibanda Mobil Ambulance.

“Rék teu bungah ku maha atuh. Mobil layanan keur kapentingan urgent di unggal désa ayeuna mah geus nyampak bisa dipaké. Malah mandar kandaraannana ogé hebring. Mobil bodas nu dilengkepan fasilitas kasehatan kumplit. Nalika dina waktuna masarakat merlukeun, kajaba teu artosna pas-pasan. Sedengkeun nu gering mah kedah enggal dirawat pon kitu deui kaayaan teu ngadukung boh alatan kusabab teu boga duit atawa hese mobil nu bisa disewa, éta mobil ambulance kacida gedé jeung loba mangpaatna keur kapentingan warga masarakat Purwakarta.

Ku kituna, poé Rebo, (26/6) di Kecamatan Sukasari, mobil ambulance ngaleut-ngabandaleut muru buruan Kantor Kecamatan Sukasari. Harita mah dilunchingkeun ku Bupati, Hj. Anné Ratna Mustika.

Dina biantarana Hj. Hj. Anné Ratna Mustika peupeujeuhna sangkan mobil ambulance désa téh dirawat kalayan dari. Malah mandar ieu mobil ambulance tiasa dianggo sakumaha mistina, hususna kaum hawa nu nuju kakandungan pikeun ngurangan tilar dunyana ibu jeung anak. Pon kitu deui keur kapentingan nu urgent nu séjénna.

Kajaba ti éta, sacara resmi mobil siaga désa téh tiasa beroperasi. Luyu sareng jumlah kelurahan jeung désa nu aya di Purwakarta jumlahna 183 désa. “Kalih ti éta mobil siaga désa (mobil ambulance désa) téh diaranan "Kidang Kawelas Joss", nu visi jeung misina keur antar jemput masarakat nu meryogikeun layanan kasehatan di unggal désa sewang-sewangan. Pon kitu deui ngadeukeutkeun antara pihak désa sareng warga masarakat tur mempercepat layanan kasehatan warga masarakat.” Pokna Ambu Anné nu biasa disebat.

Inyana ogé, “peupeujeuh mun mobil ambulance désa éta teu dianggo sakumaha mistina tiasa laporkeun ka sim kuring, nya!!!

Dina kasempetan éta ogé perwakilan pihak désa, nyatana H. Endis Kepala Désa Karoya Kecamatan Tegalwaru, Inyana ngarasa reueus ku ayana perhatian anu serius pihak pamaréntah nu milu mikanyaan ka wargana hususna pikeun ngurangan angka tilar dunya akibat teu kalayanan ka rumah sakit. Tapi ayana mobil siaga di désa tiasa langkung tanggap keur ngawulaan warga masarakat nu meryogikeun pelayanan kesehatan.

Lain halna deui ceuk wawakil warga masarakat di wewengkon Sukasari, Ibu Pupun (42) bungah amarwatasuta ayana layanan prima mobil siaga désa. Keur mah di wewengkon sim kuring di lembur Wangun Désa Parungbanténg Kecamatan Sukasari, nu ayeuna kondisi patalimarga geus tiasa dilewatan ku mobil. Béda pisan jeung sababaraha taun katukang apal mobil téh ngan ukur dina televisi komo tv harita mah hitam-putih. Tapi ayeuna geus nampeu payuneun bumi. Ku kituna mobil ambulance désa janten layanan kasehatan.*** Anto S.

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: