BENTANG TAMU, NGIPUK SIRUNG, KEMBANG KATRESNA, : Néng Tsani Rék Ngajomantara Kana Dunya Model Cilik

NGIPUK SIRUNG

Néng Tsani Rék Ngajomantara Kana Dunya Model Cilik

JATILUHUR – Warta Sunda Onliné

K

APARIGELAN kagiatan ekstrakurikuler di luar sakola éstuning teu kurang-kurang bakat nu nyampak dina diri barudak nyangking préstasi. Kaparigelanana éstu pujieun tur pikareueuseun. Kamonésanana, lian ti mangpaat keur diri pribadina, teu kurang-kurang nu geus ngagelarkeun préstasi, nyambungkeun wawangina, lain baé keur diri jeung kulawargana, tapi ogé pikeun masarakat katut bangsana.

Néng Tsani Iklima Aulia, mojang alit kalahiran Purwakarta, 4 Desember 2010, hiji diantara para nonoman Sunda pikareueu-seun. Putra bungsu tina sadulur pasangan ti Bapa Yudi Sopyan sareng Mira Maryana téh, kiwari keur sumanget-sumangetna nganteur karesep jeung pangabisa dina widang seni tari hususna ngibing Jaipongan tur seni model cilik.

Nilik tina didikan nu janten orangtua na yén Néng Tsani téh, sadidintenna di bumina tara ka mamana, malahan sok rajin ngapalkeun tur marawisan jeung nu janten rakana (Cép Awal Fatur Arizki siswa SDN 1 Bunder Kelas 4). Memang pasangan Yudi jeung Mira Maryana mah, mibanda murangkalih anu sajogo putra-putri kajaba kasep tur geulis. Ieu nandakeun ka Agungan Alloh SWT. Ku kituna, “Biangna, Mira Maryana, teu petot-petot ngawasan dua urang putra-putrina pikeun jadi murangkalih anu soléh-soléhah.”

Si Enéng campernik nu ayeuna sakola di kelas II, SD Negeri 1 Bunder, Kecamatan Jatiluhur téh geus bisa némbongkeun bakat jeung préstasina. Lian ti resep nari, Néng Tsani nu biasa disebat ogé geus katémbong dina unjuk kabisana, malah mun tiap mintonkeun kabisana asa geus biasa teu eraan. Padahal umurna kakara 9 taun, tapi basa Warta Sunda Onliné (WSO) ngawangkong sareng nu jadi murangkalihna dibumina di Kampung Salaeurih RT.16 / RW.05 Désa Bunder Kecamatan Jatiluhur Kabupatén Purwakarta dina wangkonganana teu nyirikeun jiga jeung budak leutik. Malah ditanya ngalor ngidul bisa nyambung layakna rumaja.

Dina waktu can lila ieu, Néng Tsani nu cita-citana hoyong janten bidan téh unjuk pangabisa tina Kagiatan evaluasi Sanggar Seni Kania Kancana nu digelar salila sapoé di Kampung Émpang Salaeurih Kecamatan Jatiluhur, Kabupatén Purwakarta, Jawa Barat, Indonésia, poé Ahad (24/3). Malahan nepika janten pinunjul ka-4 Jaipongan solo tur Juara ka-1 Rampak Jaipongan. Kitu ceuk Mira Maryana ka WSO di bumina poé Kemis, (28/3).

Mira nambahkeun, yén murangkalihna téh pinter jaipongan nilik tina nu janten uyutna Aay (Alm) basa keur jeneng téh, miwarang diarahkeun kana seni jaipongan. “Nya, ti keur can sakola, Néng Tsani dilebetkeun ka Sanggar Seni Kania Kancana nu teu tebih ti bumina,” pokna.

“Alhamdulillah, geuning ari nu jadi sepuh mah saciduh metu nu janten murangkalihna lebet ka sanggar tari téh, katingalna gumbira. Malah mandar babari nyerep élmu kana dunya tari, komo baring jeung kenging juara. Éta nu janten kareueus keur kulawarga hususna ka uyutna nu parantos ngarahkeun kana dunya nari.” Pokna Mira.

Kajaba ti éta, kiwari Néng Tsani jadi  model cilik di salah sahiji Photografer Maker Purwakarta jeung Wonder Full Purwakarta, poto-poto Néng Tsani janten model cilik. Anapon kitu Butik Peach milih Néng Tsani salah sahiji butik nu aya di Purwakarta kenging job dina busana butik. Dina témana : “Energic, Ceria penuh semangat dan Bertalenta”. “Éta jadi kareueus keur sim kuring, yén Néng Tsani sanaos alit kénéh aya pihak nu milu aub dina ngembangkeun poto model,” pokna sepuhna Tsani. 

Lain deui ceuk A.Iki, (pihak Maker Purwakarta) basa dipénta kamandangna ngaliwatan WhatsApp, inyana ngajelaskeun yén Néng Tsani murangkalih anu multi talénta (sagala bisa), komo dina dunya model ogé geus katingal bakatna. Anapon kitu kana widang dunya pamera film tangtu geus katémbong bakatna. Henteu kawas budak anu séjénna. Malihan Néng Tsani teu isinan. Éta téh janten ladang keur ngundeur préstasi nu geus aya bakat tingal ngarahkeun,” pokna A.Iki.

Sedengkeun ceuk Pupuhu Sanggar Seni Kania Kancana, Irma Susanti, S.Pd, M.Pd, ningali anak didikna hususna ka Néng Tsani ieu janten aset keur tandang makalangan dina kagiatan lomba-lomba nu diayakeun ku pihak Kabupatén Purwakarta dina widang seni tari. Malah janten kareueus keur sanggarna mibanda potensi bakat kana seni tari nu milu ngamumulé tur ngamekarkeun seni tari ka para nonoman dina era milenia.

Basa pihak Kasi Dokumentasi & Ananlisis Disporaparbud Kabupatén Purwakarta, Abi Jawahir basa dipenta kamandangna ngeunaan Néng Tsani dina mintonkeun rampak jaipongan tiasa janten niley jual. Kukituna ieu tiasa dipintonkeun di tempat kuliner nu kiwari keur dilola pikeun naris simpatik para pangunjung nu jadi target 4 juta urang dina taun 2019 ieu. Pihakna miharep ka Sanggar Seni Kania Kancana, dina tiap liburan barudak didikna tiasa marintonkeun unjuk kabisana,” pokna.

Ceuk Praktisi Seni Pasawahan Purwakarta anu ngagabung di lingkung Sanggar Seni Kania Kancana, Abah Encar ngarasa reueus para nonoman nu milu aub dina seni-seni saperti Néng Tsani, pibakateunana mah geus aya tinggal jam terbang dina pintonan lomba-lomba kedah langkung euyeub pikeun conto ka barudak sausina.

Lain deui ceuk Guruna nyatana Eva Rosdiana, S.Pd.I, Néng Tsani téh disakola murangkalih anu lincah, calakan tos ka témbong dina seni. Kulantaran disakolana mah yén siswa kelas 2 SD can tiasa diajak kana saniskara kagiatan nu dilombakeun di sakola. “Mugia dina taun payun nalika Néng Tsani kelas 3 mah, Insya Alloh tiasa kacandak kana unggal kagiatan atawa lomba-lomba,” Pokna Eva. 

Ari ceuk Kepala SD Negeri 1 Bunder, Susi Susmiati, S.Pd, M.Pd ningali anak didikna pinter jaipogan téh, bisa janten aset keur dina mapag lomba saperti Festival dan Lomba Seni Siswa Nasional (FLS2N). “Ayeuna tos gaduh duta keur makalangan. Anapon kitu deui, disakola seueur siswa-siswa nu mibanda bakat sapertos Néng Tsani téh,” pokna Ibu Kasek SDN 1 Bunder.*** Anto Sukanto.

REDAKTUR : Tim Redaksi

Sudah saatnya bangkit dari keterpurukan...

Subscribe to receive free email updates: