DONGÉNG - Asal Muasal Reungit Sok Disada Kana Ceuli
Asal Muasal
Reungit
Sok Disada Kana Ceuli
Ku : Yi Syihabudin
|
J
|
aman baheula aya
hiji nagara reungit, anu diratuan ku reungit awéwé, nu nelah Ratu Étékéwér. Éta
nagara pohara beungharna. Tentarana garagah, patihna nu nelah Ki Suliwer,
kacida satiana.
Dina hiji peuting, keur jemplang- jempling, aya jalma asup ka karaton Ratu
Étékéwér. Kabeneran tentarana anu jaraga sararé mani talibra, atuh éta jalma
téh jongjon asup ka kamar Ratu Étékéwér. Kabeneran Ratu ogé keur tibra saré.
Karayap éta jalma téh ngadeukeutan Sang Ratu Étékéwér, tuluy suweng nu
dipaké ku Sang Ratu dilaanan. Tapi karék gé dilaan sabeulah, kaburu Ratu
Étékéwér hudang mantén, tuluy gogorowokan, "Bangsaaat! Bangsaaat!
Bangsaaat!"
Éta jalma téh gura-giru kaluar, terus kabur bari mawa suweng sabeulah.
Tentarana nu jaraga téa, tuluy harudang, Patih Ki Suliwer cakah-cikih
paparéntah, tuluy ngarudag, tapi éta jalma teu kasusul. Isukna Ratu Étékéwér,
maréntah ka tentarana jeung rahayatna, pokna: "Sakabéh bangsa reungit, ti
mimiti ayeuna kudu naréangan suweng anu dipaling téa, pék tarempoan diunggal
ceuli jelema!"
Ti harita sakabéh naréangan éta suweng. Nepi ka kiwari reungit-reungit téh
masih kénéh naréangan éta suweng nempoan kana ceuli sakur jalma, bari disada,
"Suengng....."***
0 Response to "DONGÉNG - Asal Muasal Reungit Sok Disada Kana Ceuli "
Posting Komentar