WARTA TI WANAYASA
SDN 1 Cibuntu Wanayasa
Pembiasaan 7 Poé Atikan
Warta Sunda Online,
POÉ Juma’ah (23/11), témbong kaayaan SDN 1 Cibuntu Kecamatan Wanayasa Kabupatén Purwakarta pembiasaan
rutin ngalaksanakeun Perbup No.69 Tahun 2015 ngeunaan Pendidikan Berkarakter.
Nu eusi unggelna ngeunaan 7 Poé Atikan
Pendidikan Purwakarta Istimewa luyu
jeung ajén-inajén perbup, diantarana pembiasaan dina Poé Juma’ah téh “Nyucikeun Diri” nu ngandung harti
ngadeukeutkeun ka Gusti Nu Maha Suci. Dina hal ieu mah, lain saukur SDN 1
Cibuntu waé nu ngalaksanakeun kagiatan nu saperti kitu téh, tapi sakabéh sakola
nu aya di Kabupatén Purwakarta.
“Pihak sakola nu dibantos ku guru BTQ (Dewi Susilawati, S.Pd.I) jumlah
siswa 147 urang téh ditungtun maraca Yassin tur ngalaksanakeun netepan dhuha,”
ceuk Kepala SDN 1 Cibuntu, Aih Sumarni, S.Pd nalika ditepungan ku WSO dirohangan gawena..
Lain deui nu kasauran Dewi Susilawati, S.Pd.I, inyana ditugasan ku
pamaréntah pikeun ngamankeun kawijakan hususna Perbup No. 69 Tahun 2015 dina
unggal poé Juma’ah barudak dituyun pikeun maca Yassin, 15 menit sateu acan KBM.
Pon kitu deui siswa piwarang netepan Dhuha masing-masing di kelasna
sewang-sewangan. “Ngarah barudak téh leuwih deukeut ka Gusti,” pokna Dewi.
Salahsaurang siswa kelas 5, sebut waé Reza basa ditaros ku Galura
nyebutkeun, sok ka gilir ku guru BTQ pikeun mingpin maca Yassin berjama’ah.
Sedengkeun ceuk Ketua Komité Sekolah, Dedi Junaédi, ngarasa reueus yén di sakola
sok aya pembiasaan dina widang keagamaan malah nepika diwanohkeun ka peserta
didik tur dilaksanakeun saperti maca Yassin berjamaa’ah tur solat dhuha. Lian
ti di sakola ogé, diterapkeun di bumina sewang-sewangan.*** Anto
0 Response to "WARTA TI WANAYASA"
Posting Komentar