Geguritane Sri Wijayati

Endahe Wayah Esuk

Langit katon ketutupan mendhung

Desa ing sapinggiring sawah katon asri

Akeh tanduran sing isih dhuwur-dhuwur

Mahanani hawa esuk krasa seger

Wit klapa, wit gayam, wit ketepeng, wit gori

Pucuk-pucuk godhonge katon obah angawe- ngawe

Kasempyok sumilire angin sing tumiyup alon-alon

Tanduran wit klapa akeh wohe

Wit kates uga akeh wohe

Tanduran lombok rawit wis katon awoh

Wit jagung Katon ijo royo- royo

Katon kembang jagung wis padha mekrok

Dalan - dalan desa sinawang katon asri

Udan grimis riwis-riwis esuk iki

Swarane pating tlethik kaya nembangke lelagon

Lelagon kangen kapan maneh bisa ketemu sliramu

Bantul, 16 September 2025: